સંતરામપુર,સંતરામપુર તાલુકાના ગોઠિબ ગામે બોરમાંથી મોટરની કાઢતી ગેંગ સાથે ચોરી કરવા આવેલ એક સાગરિતને ગ્રામજનોએ ઝડપી લઈ પોલીસના હવાલે કર્યો હતો.
ગોઠિબ ગામે રહેતા જી.આર.ડી.જવાન ગોઠિબ આઉટ પોલીસ સ્ટેશન વિસ્તારમાં રાત્રિ સમયે ફરજ પર હતા. તેઓ તેમની ફરજ પુર્ણ કરી વહેલી સવારે ધરે પરત ફરી રહ્યા હતા ત્યારે વાડામાંથી અવાજ આવતા તેઓ તપાસ કરવા જતા ત્યાં વાડામાં આવેલા બોરમાં ફીટ કરેલી ઈલેકટ્રીક મોટરનુ વાયરીંગ કોઈ શખ્સ છુટુ કરી રહ્યો હોવાનુ જણાતા તેમણે બુમાબુમ કરતા આસપાસના લોકો દોડી આવ્યા હતા. અને બોર મોટરની ચોરી કરી રહેલા શખ્સને ઝડપી લઈ સંતરામપુર પોલીસના હવાલે કર્યો હતો. જેની પુછપરછમાં તેણે પોતાનુ નામ ડામોર વિનોદભાઈ માનસિંગભાઈ જણાવ્યુ હતુ. તેમજ આ ચોરીમાં તેમની ગેંગ સામેલ હોવાનુ જણાવ્યુ હતુ.