ચેન્નાઇ, પાકિસ્તાનની હોકી ટીમને ૩ ઓગસ્ટથી ચેન્નાઈમાં યોજાનારી એશિયન ચેમ્પિયન્સ ટ્રોફી માટે ભારત આવવાની પરવાનગી મળી ગઈ છે. પાકિસ્તાન હોકી ફેડરેશનના સચિવ હૈદર હુસૈને પુષ્ટિ કરી કે તેમને ગૃહ મંત્રાલય તરફથી નો ઓબ્જેક્શન સર્ટિફિકેટ પ્રાપ્ત થયું છે. પાકિસ્તાની ટીમ મંગળવારે વાઘા બોર્ડરથી અમૃતસર જશે અને ત્યાંથી ચેન્નાઈ માટે ડોમેસ્ટિક ફ્લાઈટ લેશે. હૈદરે કહ્યું કે તે હજુ પણ ત્રણ અધિકારીઓના વિઝાની રાહ જોઈ રહ્યો છે. જેમાં રાષ્ટ્રીય ટીમની નવનિયુક્ત સલાહકાર શહનાઝ શેખનો પણ સમાવેશ થાય છે.
હૈદરે કહ્યું કે સોમવાર સુધીમાં વિઝા મળી જશે તેવો વિશ્ર્વાસ છે. ભારતીય હાઈ કમિશને બાકીના ખેલાડીઓ અને અધિકારીઓ માટે પહેલાથી જ વિઝા જારી કરી દીધા હતા. પાકિસ્તાન તેની પ્રથમ મેચ ૩ ઓગસ્ટે મલેશિયા સામે રમશે.
પાકિસ્તાનની ટીમ: મુહમ્મદ ઉમર ભટ્ટા (કેપ્ટન), અકમલ હુસૈન, અબ્દુલ્લા ઈશ્તિયાક ખાન, મુહમ્મદ અબ્દુલ્લા, મુહમ્મદ સુફિયાન ખાન, એહતશામ અસલમ, ઓસામા બશીર, અકીલ અહેમદ, અરશદ લિયાક્ત, મુહમ્મદ ઈમાદ, અબ્દુલ હનાન શાહિદ, ઝકરિયા હયાત, રાણા અબ્દુલ વહીદ અશરફ (વાઈસ-કેપ્ટન), રોમન, મુહમ્મદ મુર્તઝા યાકુબ, મુહમ્મદ શાહઝેબ ખાન, અફરાઝ, અબ્દુલ રહેમાન.
સ્ટેન્ડબાય: અલી રઝા, મુહમ્મદ બાકીર, મુહમ્મદ નદીમ ખાન, અબ્દુલ વહાબ, વકાર અલી, મુહમ્મદ અરસલાન અને અબ્દુલ કયુમ.