વેજલપુર ગામના ભ્રષ્ટાચાર સામે ટીડીઓ સ્થળ તપાસ કરશે ખરા ?
વેજલપુર,લો બોલો એક તરફ લોકો કોરોના મહામારીમાં પોતાના ધંધા રોજગાર બંધ રાખી સરકારી ગ્રાઇડ લાઈનનું પાલન કરી ને પોતાનું અને પરિવારજનોનું સ્વાસ્થય સાચવવા માટે લોકો ઘરોમા રહી સરકારીશ્રીના આદેશનું પાલન કરી રહયા છે. ત્યારે મનરેગાના અધિકારીઓ કોન્ટ્રાક્ટર સરપંચ તલાટી ક્રમ મંત્રી સહિતના લોકો મહાત્મા ગાંધી રાષ્ટ્રીય ગ્રામીણ યોજનાનો ગેરઉપયોગ કરી કોરોનાના કપરા કાળમાં પણ મનરેગાના અધિકારીઓ અને સરપંચ તલાટી ક્રમ મંત્રી ભ્રષ્ટાચાર આચરીને પોતાનો વિકાસ કર્યો જેથી ૨૦૧૬ થી૨૦૨૧ સુધીના મનરેગાના કમોમા ઓનલાઇન ડેટા એન્ટ્રી ઓમાં ચેડા કરી લાખો રૂપિયાનો કૌભાંડ કર્યો હોય અને કેટલાક કામો જે જોબકાર્ડ ધારકો એ કર્યા જ ન હોય તેમના ખાતામાં લાખો રૂપિયા નાખીને મસમોટું કૌભાંડ આચર્યું છે.
એજ રીતે વેજલપુર ગામમાં આવેલ ખરસાલીયા રોડ પર નવા ચમારવાસમાં પેવર બ્લોકનું કામ એક માસ અગાઉનું બતાવી ને સ્થળ ઉપર કામ કર્યા વગર જે જોબકાર્ડ ધારકો એ કામ કર્યુ ન હોય તેવા જોબકાર્ડ ધારકોમાં એન્ટ્રીઓ કરી દેતા સ્થાનિક રહીશોમાં મનરેગા વિભાગ કચેરી અને વેજલપુર ગ્રામ પંચાયત એ મોટા પ્રમાણમાં ભ્રષ્ટાચાર આચાર્યો હોય તેવી બુમો ઉઠવા પામી છે. ત્યારે મનરેગા અંતર્ગત થયેલા કામોમાં વેજલપુર ગામના લોકોને કોઈપણ પ્રકારનો ફાયદો થયો ન હોવાથી વેજલપુર ગામના લોકો આરોપ લગાવી રહયા છે કે, વેજલપુર ગામનો વિકાસના બદલે કાલોલ તાલુકાના મનરેગા વિભાગ કચેરી ના અધિકારી અને વેજલપુર ગ્રામ પંચાયત સરપંચ તલાટી ક્રમ મંત્રી એ પોતાનો વિકાસ કર્યો હોય તેમ લાગી રહયું છે. સમગ્ર વિશ્ર્વમાં એક તરફ કોરોના મહામારી ચાલી રહી છે. ત્યારે બીજી તરફ વેજલપુર ગામનો એક પછી એક કૌભાંડ બહાર આવી રહયો છે. ત્યારે વાત કરીએ તો કાલોલ તાલુકા પંચાયતમાં આવેલ મનરેગા વિભાગ કચેરીના અધિકારીઓની તો તેમને એટલો બધો ડર લાગી ગયો છે કે, કેટલાક મસ્ટરમાં એંડવાન્સ એન્ટ્રીઓ કરી હતી. તે તમામ નીલ કરી દીધી છે. મનરેગા વિભાગ અધિકારીઓને એટલી પણ ખબર નથી કે વેજલપુર ગામ અને આજુબાજુ ગામોના કૌભાંડના તે જ સમય દરમિયાન મનરેગા વેબસાઈટ ઉપર થી ઓનલાઇન તમામ પ્રકારની વિગતો પ્રાપ્ત કરી લીધી છે. જેથી જેટલા પણ મસ્ટરો માંથી એન્ટ્રીઓ નીલ કરશે તો પણ તેમનો ભ્રષ્ટાચાર છુપાસે નહિ જેથી સ્પષ્ટ લાગી રહયું છે કે, આવા ભ્રષ્ટાચાર અધિકારી અને કોન્ટ્રાક્ટરો ને તાલુકા વિકાસ અધિકારીનો આશીર્વાદ મળી રહયો છે. તેના કારણે તાલુકા વિકાસ અધિકારી મૌન ધારણ કર્યું હોય તેમ લાગે છે.