આજે 10મી વાર વડાપ્રધાન મોદીએ સ્વતંત્રતા દિવસની ઊજવણીના ભાગ રુપે વડાપ્રધાન મોદીએ લાલ કિલ્લાથી દેશવાસીઓને સંબોધિત કર્યા હતા. તેમના સંબોધનમાં એક નવીન વાત એ હતી કે તેમણે દેશવાસીઓને સ્થાને પરિવારજનો શબ્દનો પ્રયોગ કર્યો હતો.
લાલ કિલ્લાથી છેલ્લા 10 વર્ષમાં વડાપ્રધાન મોદી 13 કલાક 45 મિનિટ બોલ્યા છે. વડાપ્રધાન મોદીએ આજે કાલ કિલ્લાથી 90 મિનિટનું ભાષણ આપ્યુ હતુ. છેલ્લા 10 સ્વતંત્રતા દિવસના ભાષણોમાં આ તેમનું બીજુ સૌથી લાંબુ ભાષણ હતુ.
વર્ષ 2015માં વડાપ્રધાન મોદીએ 86 મિનિટનું ભાષણ આપીને દેશના પહેલા વડાપ્રધાન નેહરુનો વર્ષ 1947નો 72 મિનિટના સૌથી લાંબા ભાષણનો રેકોર્ડ તોડયો હતો.
વર્ષ 2017માં સ્વતંત્રતા દિવસ પર વડાપ્રધાનનું ભાષણ માત્ર 56 મિનિટનું હતુ. આ તેમનું અત્યાર સુધીનું સૌથી ટૂંકું ભાષણ છે. વર્ષ 2015માં તેમણે 86 મિનિટ સુધી રાષ્ટ્રને સંબોધન કર્યું હતુ. ત્યારે વડાપ્રધાન મોદીએ લાલ કિલ્લા પરથી 92 મિનિટ સુધી દેશને સંબોધન કર્યું હતું. તેમના વડાપ્રધાન તરીકેના કાર્યકાળ દરમિયાન લાલ કિલ્લા પરથી આપેલું આ સૌથી લાંબુ ભાષણ છે.
વડાપ્રધાન મોદીએ આજે તેમના 90 મિનિટના સંબોધનમાં 48 વાર પરિવારજનો અને 43 વાર સામર્થ શબ્દનો પ્રયોગ કર્યો હતો.