કોલકતા, પશ્ર્ચિમ બંગાળના મુખ્યમંત્રી મમતા બેનર્જીએ બુધવારે મણિપુર હિંસા પર ભાજપ પર નિશાન સાધ્યું હતું. તેમણે કહ્યું કે ભાજપના નેતૃત્વવાળી કેન્દ્ર સરકાર પૂર્વોત્તર રાજ્યમાં સ્થિતિ સુધારવામાં નિષ્ફળ રહી છે. ભગવા પક્ષે દેશ છોડવો જોઈએ.
તમને જણાવી દઈએ કે, મમતા બેનર્જી ઝારગ્રામના ત્રણ દિવસીય વહીવટી પ્રવાસ પર આવી છે. આ દરમિયાન તેમણે કહ્યું કે વંશીય સંઘર્ષથી પ્રભાવિત મણિપુરમાં આદિવાસીઓ સંકટનો સામનો કરી રહ્યા છે અને તેમની દુર્દશા સાંભળનાર કોઈ નથી, ભારતમાં દલિતો પર અત્યાચાર થઈ રહ્યો છે અને કેન્દ્ર ઉદાસીન છે.
મુખ્યમંત્રીએ વિશ્ર્વભરના લોકોને હિંસાગ્રસ્ત રાજ્યના પીડિતો માટે પ્રાર્થના કરવા વિનંતી કરી. ભારત છોડો આંદોલનની વર્ષગાંઠ પર મહાત્મા ગાંધીને શ્રદ્ધાંજલિ આપતા બેનર્જીએ કહ્યું કે ભગવા પાર્ટીએ દેશ છોડી દેવો જોઈએ. તેમણે કહ્યું કે ભારત છોડો દિવસ પર અમે પ્રતિજ્ઞા લઈએ છીએ કે અમે ભાજપને ભારત છોડવા માટે દબાણ કરીશું.
બંગાળના ગવર્નર, ડૉ. સીવી આનંદ બોઝે, રાજ્યની યુનિવર્સિટીના કુલપતિ તરીકે બિન-શૈક્ષણિકની નિમણૂકનો ઉલ્લેખ કર્યો હતો. તેમણે કહ્યું કે રાજ્યપાલનું પદ બંધારણીય છે અને તેની બંધારણીય મર્યાદા છે. તેમણે કેન્દ્ર પર રાજ્યને ફંડ ન આપવાનો આરોપ લગાવ્યો. કહ્યું કે અમે કેન્દ્ર સરકાર દ્વારા પશ્ર્ચિમ બંગાળની ઉપેક્ષા સામે લડીશું.