મુંબઇ,
મહારાષ્ટ્રમાં દર વર્ષે ગણેશ ચતુર્થીનો તહેવાર ખૂબ જ ધામધૂમથી ઉજવવામાં આવે છે. ગણેશ ચતુર્થીની તૈયારીઓ તહેવારના મહિનાઓ પહેલાથી શરૂ થઈ જાય છે. દર વર્ષે લાખો લોકો મુંબઈથી પોતપોતાના ગામોમાં જાય છે. આવી સ્થિતિમાં, દર વર્ષે મુસાફરો માટે રેલ્વે મુસાફરી માટે ટિકિટ મેળવવી ખૂબ જ મુશ્કેલ બની જાય છે. આ સમસ્યાને યાનમાં રાખીને મય રેલવે દ્વારા મુંબઈ-કુડાલ વચ્ચે ૧૮ વધારાની અનરિઝર્વ્ડ ગણપતિ વિશેષ ટ્રેનોની વ્યવસ્થા કરવામાં આવી છે.
૨૦૨૩ દરમિયાન, મુસાફરોના વધારાના ધસારાને દૂર કરવા માટે ૧૮ વધારાની બિનઆરક્ષિત ગણપતિ વિશેષ ટ્રેનો મુંબઈ અને કુડાલ વચ્ચે ચલાવવાની છે. અગાઉ મુંબઈ ડિવિઝન/ઝ્રઇએ સપ્ટેમ્બર ૨૦૨૩ના ગણપતિ ઉત્સવ માટે ૨૦૮ વિશેષ ટ્રેન સેવાઓની જાહેરાત કરી હતી. તે જ સમયે, ગણપતિ ઉત્સવને યાનમાં રાખીને, ૪૦ વિશેષ ટ્રેન સેવાઓમાં વધારો કરવામાં આવ્યો હતો, ત્યારબાદ હવે આ વર્ષે કુલ ૨૬૬ ટ્રેનો દોડાવવામાં આવશે.
ટ્રેન નંબર ૦૧૧૮૫ સ્પેશિયલ ૧૩ સપ્ટેમ્બરથી ૦૨ ઓક્ટોબર સુધી સોમવાર, બુધવાર અને શનિવારે ૦૦.૪૫ કલાકે લોકમાન્ય તિલક ટમનસથી ઉપડશે અને તે જ દિવસે ૧૧.૩૦ કલાકે કુડાલ પહોંચશે.
ટ્રેન નંબર ૦૧૧૮૬ સ્પેશિયલ ૧૩ સપ્ટેમ્બરથી ૦૨ ઓક્ટોબર સુધી મંગળવાર, ગુરુવાર અને રવિવારના રોજ ૧૨.૧૦ કલાકે કુડાલથી ઉપડશે અને બીજા દિવસે ૦૦.૩૫ કલાકે લોકમાન્ય તિલક ટમનસ પહોંચશે. આ વિશેષ ટ્રેન થાણે, પનવેલ, રોહા, મંગોન, ખેડ, ચિપલુણ, સંગમેશ્ર્વર રોડ, રત્નાગીરી, અદાવલી, વિલાવડે, રાજપુર રોડ, વૈભવવાડી રોડ, કનકવલી અને સિંધુદુર્ગ ખાતે ઉભી રહેશે.
આ સાથે જ પશ્ર્ચિમ રેલવે દ્વારા ગણપતિ ઉત્સવ માટે સ્પેશિયલ ટ્રેનની પણ વ્યવસ્થા કરવામાં આવી છે, જેથી લોકોની ભીડ ઓછી થઈ શકે. સ્પેશિયલ ટ્રેનની સાથે ખાસ ભાડું પણ રાખવામાં આવ્યું છે. પશ્ર્ચિમ રેલવેએ ખાસ કરીને ગણપતિ ઉત્સવ માટે ૪૦ વિશેષ ટ્રેન સેવાઓની જાહેરાત કરી છે. આ વિશેષ ટ્રેનો મુંબઈ સેન્ટ્રલ અને સાવંતવાડી વચ્ચે દોડશે.
આ ટ્રેન ૧૪ સપ્ટેમ્બરથી ૩૦ સપ્ટેમ્બર સુધી મુંબઈ સેન્ટ્રલથી ઉપડતી અને ૧૫ સપ્ટેમ્બરથી ૧ ઓક્ટોબર સુધી સાવંતવાડીથી ઉપડતી રહેશે. દરેક દિશામાં ૧૫ સેવાઓ ચલાવવામાં આવશે અને ટ્રેનોમાં ૨૪ કોચ હશે. આ ટ્રેનનો રૂટ વસઈ-પનવેલ-રોહા થઈને પસાર થશે. મુસાફરોની સુવિધા માટે, પશ્ર્ચિમ રેલવે ઉધના અને મડગાંવ વચ્ચે છ સાપ્તાહિક ગણપતિ વિશેષ ટ્રેનો ચલાવશે. આ ટ્રેન ૧૫ સપ્ટેમ્બરથી ૨૯ સપ્ટેમ્બર સુધી દર શુક્રવારે ઉધના અને ૧૬ સપ્ટેમ્બરથી ૩૦ સપ્ટેમ્બર સુધી દર શનિવારે મડગાંવથી ઉપડશે. દરેક દિશામાં ત્રણ સેવાઓ સાથે, આ ટ્રેનમાં ૨૨ કોચ હશે અને તે વસઈ-પનવેલ-રોહા રૂટ પર પણ દોડશે.