જયપુર, રાજસ્થાનમાં ૧૨૩ વર્ષમાં જૂન મહિનામાં સૌથી વધુ વરસાદ થયો હતો. આ વર્ષે જૂનમાં રાજ્યમાં કુલ ૧૫૬.૯ મીમી વરસાદ નોંધાયો હતો, જે સરેરાશ કરતા ૧૮૫ ટકા વધુ છે. જયપુર હવામાન કેન્દ્રના પ્રભારી રાધેશ્યામ શર્માએ જણાવ્યું હતું કે જૂન ૨૦૨૩ દરમિયાન રાજ્યમાં કુલ ૧૫૬.૯ મીમી (સરેરાશ કરતાં ૧૮૫ ટકા વધુ) વરસાદ નોંધાયો હતો, જે આ મહિનામાં ૧૯૦૧થી અત્યાર સુધીનો સૌથી વધુ વરસાદ છે. . આ પહેલા વર્ષ ૧૯૯૬માં જૂન મહિનામાં સૌથી વધુ ૧૨૨.૮ મીમી વરસાદ નોંધાયો હતો.
તેમણે જણાવ્યું કે જૂન દરમિયાન પૂર્વ રાજસ્થાનમાં તેની સરેરાશ કરતાં ૧૧૮ ટકા વધુ અને પશ્ર્ચિમ રાજસ્થાનમાં તેની સરેરાશ કરતાં ૨૮૭ ટકા વધુ વરસાદ નોંધાયો હતો. શર્માએ જણાવ્યું હતું કે અરબી સમુદ્રમાંથી ખૂબ જ ગંભીર ચક્રવાતી તોફાન બિપરજોય ની અસરને કારણે, રાજ્યના દક્ષિણ ભાગો (જાલોર, પાલી, બાડમેર, રાજસમંદ સિરોહી અને અજમેરમાં ભારેથી અતિભારે વરસાદ અને ગાજવીજ સાથે વરસાદ થવાની સંભાવના છે. ૧૬-૨૦ જૂન દરમિયાન કેટલાક સ્થળોએ ભારે વરસાદ નોંધાયો હતો. આ દરમિયાન, જાલોર જિલ્લામાં ૪૦૦.૫ મીમી વરસાદ નોંધાયો હતો, જે સમગ્ર ચોમાસાની સીઝન માટે એલપીએના ૯૫.૬ ટકા હતો. જિલ્લાવાર, ઝાલાવાડ સિવાય, જૂન મહિના દરમિયાન તમામ જિલ્લાઓમાં સામાન્ય કે સામાન્યથી વધુ વરસાદ નોંધાયો હતો. આ વર્ષે, ચોમાસું ૨૫ જૂનના સરેરાશ સમયે રાજ્યમાં પ્રવેશ્યું અને ઝડપથી આગળ વધ્યું અને ૨ જુલાઈ સુધી (સરેરાશ સમય કરતાં છ દિવસ પહેલા) રાજ્યના પશ્ર્ચિમ ભાગોમાં ફેલાયું.
શર્માએ જણાવ્યું કે બંગાળની ખાડીમાંથી આવતા પૂર્વીય પવનો સક્રિય થવાને કારણે ૫-૬ જુલાઈ સુધી પૂર્વ રાજસ્થાનના કોટા, ઉદયપુર, અજમેર અને જયપુર, ભરતપુર વિભાગના કેટલાક ભાગોમાં વરસાદની ગતિવિધિઓમાં વધારો થવાની પ્રબળ સંભાવના છે. તેમણે કહ્યું કે ૭ જુલાઈથી વરસાદની ગતિવિધિઓમાં વધુ વધારો થવાની અને પૂર્વ રાજસ્થાનના મોટાભાગના વિસ્તારોમાં હળવાથી મયમ વરસાદની શક્યતા છે જ્યારે કેટલીક જગ્યાએ ભારે વરસાદની સંભાવના છે.
તેમણે કહ્યું કે પશ્ર્ચિમ રાજસ્થાનના જોધપુર અને બિકાનેર વિભાગના કેટલાક ભાગોમાં ૬-૭ જુલાઈ દરમિયાન વરસાદની ગતિવિધિઓ વધવાની અને ચોમાસું ફરી સક્રિય થવાની પ્રબળ સંભાવના છે. આ દરમિયાન કેટલાક ભાગોમાં હળવાથી મધ્યમ વરસાદ અને એક-બે જગ્યાએ ભારે વરસાદની શક્યતા છે.
હવામાન વિભાગના જણાવ્યા અનુસાર મંગળવારે સવારે ૮.૩૦ વાગ્યા સુધી અલવરના તિજારામાં પાંચ સેન્ટીમીટર, જયપુરના બાચીમાં ચાર સેન્ટીમીટર, ચક્સુમાં ચાર સેન્ટીમીટર, પાઓટામાં ચાર સેન્ટીમીટર, દૌસાના સિકરાઈમાં ત્રણ સેન્ટીમીટર, જયપુરના જામવરમગઢમાં ત્રણ સેન્ટીમીટર તાપમાન નોંધાયું હતું. અલવરમાં ત્રણ સેમી, માલાખેડામાં ૩ સેમી, સીકરના લક્ષ્મણગઢમાં ૩ સેમી, અલવરના કિશનગઢવાસમાં ૨ સેમી, ઝાલાવાડના અકલેરામાં ૨ સેમી, અલવરના રાજગઢમાં ૨ સેમી, ટોંકમાં ૨ સેમી, સગાનેર તાલુકામાં ૧ સેમી ધૌલપુરના કરૌલી અને સમર્થપુરામાં એક સેન્ટીમીટર વરસાદ નોંધાયો હતો. સાંજે ૫.૩૦ વાગ્યા સુધી પિલાનીમાં ૬૯.૨ મીમી, ધૌલપુરમાં ૬ મીમી, બાંસવાડામાં ૨ મીમી વરસાદ નોંધાયો હતો.