મહીસાગર જીલ્લામાં ચોમાસાની ઋતુ દરમિયાન સંભવિત ભારે વરસાદ અને આપત્તિજનક પરિસ્થિતિને પહોંચી વળવા જીલ્લા વહીવટી તંત્ર સંપૂર્ણપણે સજ્જ હોવાનું જીલ્લા કલેક્ટર અર્પિત સાગરે સ્પષ્ટ કર્યું છે. આ માટેની પૂર્વ તૈયારીઓની જાતતપાસ કરવા તેમણે શુક્રવારે મોડી રાત્રે બાલાસિનોર તાલુકા ડિઝાસ્ટર કંટ્રોલ મની ઓચિંતી મુલાકાત લઈને કામગીરીની વિસ્તૃત સમીક્ષા કરી હતી.
મુલાકાત દરમિયાન કલેક્ટરએ કંટ્રોલ મમાં હાજર અધિકારીઓ અને કર્મચારીઓ પાસેથી જીલ્લાની વર્તમાન વરસાદી સ્થિતિ, વિવિધ તાલુકાઓમાંથી પ્રાપ્ત થઈ રહેલા અહેવાલો તેમજ નદી-નાળા અને જળાશયોની જળસપાટીની વિગતવાર માહિતી મેળવી હતી. વરસાદી પરિસ્થિતિને ધ્યાનમાં રાખીને જરી તકેદારીના પગલાં અને સંકલન અંગે પણ માર્ગદર્શન આપ્યું હતું.
કલેક્ટર અર્પિત સાગરે જણાવ્યું હતું કે, જીલ્લામાં વરસાદી સ્થિતિ પર ૨૪ કલાક સતત નજર રાખવામાં આવી રહી છે અને કોઈપણ પ્રકારની આકસ્મિક પરિસ્થિતિ સર્જાય તો તાત્કાલિક પ્રતિસાદ આપવા માટે જીલ્લા તંત્ર સંપૂર્ણપણે તૈયાર છે. તમામ વિભાગો વચ્ચે સંકલન જાળવી જરી સાધનસામગ્રી અને માનવબળ ઉપલબ્ધ રાખવામાં આવ્યું છે.
તેમણે ભારપૂર્વક જણાવ્યું હતું કે, નાગરિકોની સુરક્ષા અને સલામતી જીલ્લા તંત્રની સર્વોચ્ચ પ્રાથમિકતા છે. વરસાદી પરિસ્થિતિ દરમિયાન લોકોને પણ સાવચેતી રાખવા, તંત્રની સૂચનાઓનું પાલન કરવા અને જરિયાત જણાય ત્યારે તાત્કાલિક કંટ્રોલ મનો સંપર્ક કરવા અપીલ કરવામાં આવી છે.
