મુંબઇ, બોલિવૂડના સૌથી લવલી કપલ દિશા પટણી અને ટાઈગર શ્રોફના બ્રેકઅપના સમાચારે ચાહકોનું દિલ તોડી નાખ્યું. જે બાદ આ બંને કપલ સાથે જોવા નથી મળ્યા. ત્યારે હવે આ બંને સ્ટાર્સ લાંબા સમય પછી ફરીથી સાથે જોવા મળ્યા હતા. સોશિયલ મીડિયા પર આ સ્ટાર્સના ફોટોઝ સામે આવતા જ ફેન્સ તેમને સાથે જોઈને ખુશ થઈ ગયા હતા. આ તસવીરો દિલ્હીની છે જેમાં આ બંને સ્ટાર્સ એક ઈવેન્ટમાં સાથે પહોંચ્યા હતા.
આ ખાસ અવસર પર દિશા પટણી સફેદ પેન્ટની સાથે ક્રોપ ટોપ પહેરેલી જોવા મળી હતી. બીજી તરફ, ટાઇગર શ્રોફ બ્લેક ટી-શર્ટ સાથે કાળા ચશ્મા પહેરીને ડેશિંગ લુકમાં જોવા મળ્યો હતો. દિશા આ પ્રસંગે ન્યૂડ મેકઅપ સાથે ખુલ્લા વાળમાં જોવા મળી હતી.
આ દરમિયાન દિશા પટની અને ટાઈગર શ્રોફ કૂલ લુકમાં જોવા મળ્યા હતા . આ ઈવેન્ટ દરમિયાન બંને એકબીજા સાથે વાત કરતા જોવા મળ્યા હતા અને ઘણા ખુશ દેખાતા હતા. દિશા અને ટાઈગરની આ તસવીરો વાયરલ થતાં જ ચાહકો તેમને ફરીથી સાથે જોવા માટે ઉત્સાહિત થઈ ગયા હતા. આ તસવીરો એટલા માટે પણ હેડલાઈન્સમાં છે કારણ કે બ્રેકઅપ બાદ લાંબા સમય બાદ આ કપલ આ રીતે સાથે જોવા મળ્યું હતું.
આ તસવીરો વાયરલ થતાં જ તેમના પેચ-અપના સમાચાર પણ આવવા લાગ્યા હતા. પરંતુ બંને માત્ર ઈવેન્ટમાં હાજરી આપવા માટે સાથે આવ્યા હતા કે પછી પેચ અપ કર્યું છે. આ જાણવા માટે તમારે થોડી રાહ જોવી પડશે. વર્ક ફ્રન્ટની વાત કરીએ તો ટાઈગર હવે અલી અબ્બાસ ઝફરની બડે મિયાં છોટે મિયાંમાં જોવા મળશે. આ સિવાય ટાઇગર ‘ગણપત’ ફિલ્મમાં પણ જોવા મળશે. બીજી તરફ દિશાની વાત કરીએ તો તે ‘પ્રોજેક્ટ કે’ માટે હેડલાઇન્સમાં છે.