કાંકણપુર, શ્રી જે.એલ.કે.કોટેચા આર્ટ્સ એન્ડ શ્રીમતી એસ.એચ. ગાર્ડી કોમર્સ કોલેજ, કાંકણપુર ખાતે નૂતન વિદ્યાર્થીઓ માટે પ્રવેશોત્સવનું આયોજન કરવામાં આવ્યું હતું. તેમાં કોલેજના આચાર્ય ડો.જગદીશભાઈ પટેલે આરંભમાં આવકાર પ્રવચન કર્યું હતું. આ કાર્યક્રમમાં ડો.એસ.બી.પટેલ, ડો.એ.યુ.લકુમ, ડો. એમ.સી. રાઠવા, ડો.સાબત પટેલ, તથા ડો.એસ.એસ. પટેલે વિદ્યાર્થીઓને વક્તવ્યદ્વારા શાબ્દિક આવકાર આપ્યો હતો. તેમાં સંચાલન ડો.કે.જી.ચંદાણાએ કર્યું હતું.
આ સાથે ગુરૂપૂર્ણિમા મહોત્સવનું આયોજન પણ કરવામાં આવ્યું હતું. જેમાં વિદ્યાર્થીઓને ગુરૂ અને શિષ્ય વચ્ચેના સબંધ વિશે વ્યાખ્યાન આપ્યું હતું. આ કાર્યક્રમનું સંચાલન ડો.એસ.એસ. રખિયાણિયાએ કર્યું હતું. ડો.યુ.એસ.પટેલ, ડો.જે.એલ.પટેલ તથા પ્રા. મુસ્કાન શેખે ગુરૂમહિમા વિશે સંક્ષિપ્ત વક્તવ્ય આપ્યું હતું. આ કાર્યક્રમના મુખ્ય અતિથિ નિ.પ્રિ. વિપુલભાઈ જે. શાહ એ ગુરૂપૂર્ણિમા નિમિત્તે ખૂબ જ હ્રદયસ્પર્શી વ્યાખ્યાન આપી વિદ્યાર્થીઓને મંત્ર મુગ્ધ કર્યા હતાં. આભાર દર્શન જે.એલ.પટેલે કર્યું હતું.