હાલોલ,
હાલોલના પાંચ યુવાનો સ્વીફટ કાર લઈને ઉજ્જૈન દર્શન માટે નીકળ્યા હતા. મધ્યપ્રદેશની હદમાં પેટલાવાદ ગામ પાસે કાર ધાસ ભરેલ ટેમ્પો ટ્રકની પાછળ ધુસી જતાં અકસ્માત સર્જાયો હતો. પાંચ યુવકો પૈકી એકનું ધટના સ્થળે મોત નિપજાવા પામ્યું. જ્યારે ચારને ઈજાઓ થતાં સારવાર અર્થે ખસેડવામાં આવ્યા.
પ્રાપ્ત વિગતો પ્રમાણે હાલોલ ખાતે રહેતા પાંચ યુવાનો પોતાની સ્વીફટ કાર લઈને ઉજ્જૈન મહાકાલના દર્શન માટે નીકળ્યા હતા. ગુજરાતની હદ વટાવી મધ્યપ્રદેશમાં આવતાં પેટલાવાદ ગામ પાસે થી પસાર થઈ રહ્યા હતા. ત્યારે ધાસ ભરેલ ટેમ્પો ટ્રકની પાછળ કાર ધુસી જતાં અકસ્માત સર્જાયો હતો. જેમાં એક યુવાનનું ધટના સ્થળે મોત નિપજાવા પામ્યું હતું. બીજા યુવાનને મોઢાના ભાગે ગંભીર ઈજાઓ થવા પામી હતી. અન્ય યુવાનને નાની મોટી ઈજાઓ થતાં સારવાર માટે ખસેડવામાં આવ્યા હતા. હાલોલ રાણા સમાજના યુવાનોની કાર અકસ્માત નડતા એક યુવાનનું મોત થવાના પગલે સમાજમાં ધેરાશોકની લાગણી પ્રસરી જવા પામી છે.