મુંબઇ, મંદિરા બેદીના પતિ રાજ કૌશલની બીજી પુણ્યતિથિ છે. બે વર્ષ પહેલા રાજે દુનિયાને કાયમ માટે અલવિદા કહી દીધું હતું. મંદિરાના પતિ રાજે ઘણી ફિલ્મોનું નિર્દેશન કર્યું હતું. બીજી તરફ, મંદિરા બેદી તેમના પતિ રાજ કૌશલની બીજી પુણ્યતિથિ પર ભાવુક જોવા મળી હતી અને સ્વર્ગસ્થ રાજ સાથેની કેટલીક ખુશ યાદોની પોસ્ટ સોશિયલ મીડિયા પર શેર કરી હતી.
તેમના સ્વર્ગસ્થ પતિ રાજ કૌશલને તેમની બીજી પુણ્યતિથિ પર યાદ કરતાં મંદિરાએ સોશિયલ મીડિયા પર તેના અને તેના બાળકો તારા અને વીરની કેટલીક સુંદર તસવીરો શેર કરી છે. આ તસવીરો પોસ્ટ કરવાની સાથે મંદિરાએ એક નાની નોંધ પણ લખી છે. તેણે લખ્યું, “આજના દિવસે તમે અમને ૨ વર્ષ પહેલા છોડી ગયા. અમે તમને રાજુ યાદ કરીએ છીએ”
તેણીની પોસ્ટ પર પ્રતિક્રિયા આપતા, મંદિરાના મિત્ર અને અભિનેતા રોહિત રોયે લખ્યું, “મેન્ડી વિથ યુ”, અને અન્ય ઘણા લોકોએ પણ મંદિરા અને તેના પરિવાર માટે તેમની સંવેદના અને સમર્થન શેર કર્યું. તેના ચાહકોએ પણ આ પોસ્ટ પર કોમેન્ટ કરી હતી. એક પ્રશંસકે લખ્યું, “જ્યારે મારા પતિએ અમને છોડી દીધા ત્યારે મને પણ એવું જ લાગ્યું હતું. મજબૂત બનો..તમને અને બાળકોને ઘણો પ્રેમ.” અન્ય એક વ્યક્તિએ ટિપ્પણી કરી, “તમે ખૂબ જ મજબૂત મહિલા છો. ભગવાન હંમેશા તમારા પર તેમના આશીર્વાદ વરસાવે.
જણાવી દઈએ કે મંદિરા બેદીના પતિ અને ફિલ્મ મેકર રાજ કૌશલનું વર્ષ ૨૦૨૧માં હાર્ટ એટેકથી નિધન થયું હતું. પતિના ગયા પછી મંદિરા બેદી પોતાના બાળકોની જવાબદારી એકલા હાથે નિભાવી રહી છે. તે તેના બાળકો તારા અને વીર માટે શક્તિ અને આધારસ્તંભ બની ગઈ.