મુંબઇ, મુંબઈ પોલીસે મંગળવારે શિવસેના (ઉદ્ધવ બાળાસાહેબ ઠાકરે) ધારાસભ્ય અને મહારાષ્ટ્રના ભૂતપૂર્વ પ્રધાન અનિલ પરબ અને અન્ય ચાર વિરુદ્ધ બીએમસી એન્જિનિયર પર હુમલો કરવા અને ધમકી આપવા બદલ એફઆઇઆર નોંધી છે. વકોલા પોલીસ અધિકારીના જણાવ્યા અનુસાર, અનિલ પરબ, શિવસેના (યુબીટી)ના અન્ય કાર્યર્ક્તાઓ સાથે સોમવારે બપોરે બીએમસીના એચ ઇસ્ટ વોર્ડમાં મોરચો નીકળ્યો હતો અને ગયા અઠવાડિયે ઉપનગરીય બાંદ્રામાં પાર્ટી કાર્યાલય પર તોડફોડ સામે નારાજગી વ્યક્ત કરી હતી.
પરબના નેતૃત્વમાં એક પ્રતિનિધિમંડળ એચ-ઈસ્ટ વોર્ડ ઓફિસર સ્વપ્ના ક્ષીરસાગરને મળવા બીએમસી ઓફિસ પહોંચ્યું હતું. એફઆઈઆર મુજબ, તેમણે ક્ષીરસાગરને પાર્ટી ઓફિસના બોર્ડ પર છત્રપતિ શિવાજી મહારાજ અને શિવસેનાના સ્થાપક બાળાસાહેબ ઠાકરેની તસવીરો હોવા પર પાર્ટી ઓફિસને તોડી પાડવાનું કૃત્ય કરનારા અધિકારીઓને તેમની સમક્ષ બોલાવવા કહ્યું હતું.
શિવસેના (યુબીટી)ના પદાધિકારીઓએ કથિત રીતે બીએમસી સહાયક ઇજનેર અજય પાટીલ (૪૨) સાથે છેડછાડ કરી હતી અને જ્યારે મ્યુનિસિપલ કોર્પોરેશનના કેટલાક કર્મચારીઓ આગળ આવ્યા ત્યારે તેમને ગંભીર પરિણામોની ધમકી પણ આપી હતી. એક પોલીસ અધિકારીએ જણાવ્યું કે,આ ઘટના બાદ બીએમસી અધિકારીઓએ વાકોલા પોલીસ સ્ટેશનમાં ફરિયાદ કરી, જેના આધારે પરબ, સંતોષ કદમ, સદા પરબ, ઉદય દળવી અને હાજી અલીમ ખાન વિરુદ્ધ એફઆઇઆર નોંધવામાં આવી.
અધિકારીએ જણાવ્યું હતું કે, ભારતીય દંડ સંહિતાની વિવિધ કલમો હેઠળ કેસ નોંધવામાં આવ્યો છે, જેમાં ૩૫૩ (જાહેર કર્મચારીને ફરજ બજાવતા અટકાવવા માટે હુમલો અથવા ફોજદારી બળ) અને ૫૦૬-૨ (ગુનાહિત ધાકધમકી)નો સમાવેશ થાય છે. તેમણે કહ્યું કે કેસની તપાસ ચાલી રહી છે મહારાષ્ટ્રની રાજધાની મુંબઈમાં ૨૨ જૂને શિવસેનાની ૪૦ વર્ષ જૂની શાખાને તોડી પાડી હતી. ઉદ્ધવ જૂથની શિવસેનાની આ શાખા બાંદ્રા નજીક બનાવવામાં આવી હતી. ૪૦ વર્ષ જૂની શિવસેના શાખા પર બુલડોઝરની કાર્યવાહી અને તોડફોડનો મામલો જોર પકડી રહ્યો છે. શિવસેના શાખામાં હથોડાનો ઉપયોગ કરનારા બીએમસી અધિકારી પર સોમવારે હુમલો કરવામાં આવ્યો હતો. આ લડાઈ પોલીસ અને વોર્ડ ઓફિસર સામે થઈ હતી.
ઉદ્ધવ ઠાકરે જૂથના લોકોનો આરોપ છે કે જે સમયે શાળાને તોડી પાડવામાં આવી રહી હતી. ત્યારબાદ અધિકારીઓએ બાળાસાહેબ ઠાકરે અને છત્રપતિ શિવાજી મહારાજની તસવીરો પર પણ હથોડો માર્યો હતો. બીએમસીના અધિકારીઓએ ફોટોગ્રાસ હટાવવાનો સમય પણ ન આપ્યો. તેથી જ શિવસૈનિકો (શિવસેના કાર્યકરો)ના મનમાં ગુસ્સો છે.