નવીદિલ્હી, આમ આદમી પાર્ટી (આપ) એ રાહુલ ગાંધીને વિશાળ હૃદય રાખવા કહ્યું છે. દિલ્હીના સ્વાસ્થ્ય મંત્રી સૌરભ ભારદ્વાજે કહ્યું- રાહુલ ગાંધી વારંવાર કહે છે- ’હું નફરતના બજારમાં મોહબ્બત કી દુકાન ખોલીને બેઠો છું’. રાહુલે વિરોધ પક્ષોને પણ પ્રેમ આપવો જોઈએ.જો વિરોધ પક્ષો તમારી પાસે (રાહુલ) પ્રેમ માંગવા આવ્યા હોય અને તમે કહો કે તમારી પાસે નથી, તો તે તમારી મોહબ્બત કી દુકાન પર સવાલો ઉભા કરે છે.જોકે આપના નિવેદન પર કોંગ્રેસે પલટવાર કર્યો છે. કોંગ્રેસ નેતા અજય માકને કહ્યું- દિલ્હીના સીએમ અરવિંદ કેજરીવાલ કોંગ્રેસનું સમર્થન માગી રહ્યા છે. બીજી તરફ તેઓ પાર્ટી વિરુદ્ધ બોલી રહ્યા છે. આ કરીને તેઓ શું ઈચ્છે છે, તેઓ અમારો ટેકો લેવા માગે છે કે પછી પાર્ટી (કોંગ્રેસ)થી દૂર રહેવા માગે છે. તે સ્પષ્ટ છે કે અરવિંદ કેજરીવાલ જેલમાં જવા માંગતા નથી, તેથી જ તેઓ ભાજપ સાથે છે. તેમનો એકમાત્ર ઉદ્દેશ્ય વિપક્ષની એક્તાને તોડવાનો છે.
આપ નેતા ભારદ્વાજે પણ કોંગ્રેસને સાવધાની રાખવાની સલાહ આપી છે. તેણે કહ્યું કે અહંકારી થવું ઠીક છે, પરંતુ તેની એક મર્યાદા છે. આગળ, લોકો અને અન્ય પક્ષોને લાગવા માંડશે કે સત્તા પરિવર્તન પછી નવી સરકાર ઘમંડથી ભરેલી છે.તેમણે વિપક્ષી દળોને પણ અપીલ કરી કે તેઓ એકબીજા વિરુદ્ધ ભૂતકાળની ટિપ્પણીઓથી આગળ વધે કારણ કે તેઓ રાજ્યોમાં એકબીજાની વિરુદ્ધ છે, પરંતુ હવે તેઓએ સાથે આવવાની જરૂર છે.
ઉત્તર પ્રદેશમાં સમાજવાદી પાર્ટી અને કોંગ્રેસ એકબીજા સામે ચૂંટણી લડે છે. પશ્ર્ચિમ બંગાળમાં તૃણમૂલ કોંગ્રેસ, કોંગ્રેસ અને ડાબેરીઓ એકબીજા સામે લડે છે. કેરળમાં ડાબેરીઓ અને કોંગ્રેસ વિરોધી છે. આટલા બધા વિરોધાભાસો છતાં આપણે હવે સાથે આવવું પડશે. પક્ષના પ્રવક્તાએ એકબીજા વિરુદ્ધ શું કહ્યું તે જોશો તો બંને પક્ષે યાદી લાંબી છે. તેને પાછળ છોડીને આગળ વધવાનું છે.
પટનામાં વિપક્ષી એક્તાની બેઠકમાં રાહુલ ગાંધીએ કહ્યું હતું કે તેમની પાર્ટી ખુલ્લા મનથી ગઠબંધન પર વિચાર કરી રહી છે અને ભૂતકાળને ભૂલી જવા તૈયાર છે. તેણે કહ્યું હતું કે- અમે અહીં ખુલ્લા મન સાથે છીએ, ભૂતકાળની કોઈ પસંદ-નાપસંદ વિના, આપણે બધા આપણી જાતને બદલીશું. આપણે આ લડાઈમાં સાથે રહેવાનું છે, ગમે તે થાય.
પટનામાં વિરોધ પક્ષોની બેઠકમાં ભાગ લેવા પહોંચેલા દિલ્હીના સીએમ અરવિંદ કેજરીવાલનું બિહારના સીએમ નીતિશ કુમારે સ્વાગત કર્યું હતું. કેજરીવાલે બેઠકમાં એ શરતે હાજરી આપી હતી કે કેન્દ્રના વટહુકમ સામે કોંગ્રેસ સંસદમાં આપને સમર્થન આપે.પટનામાં વિરોધ પક્ષોની બેઠકમાં ભાગ લેવા પહોંચેલા દિલ્હીના સીએમ અરવિંદ કેજરીવાલનું બિહારના સીએમ નીતિશ કુમારે સ્વાગત કર્યું હતું. કેજરીવાલે બેઠકમાં એ શરતે હાજરી આપી હતી કે કેન્દ્રના વટહુકમ સામે કોંગ્રેસ સંસદમાં આપને સમર્થન આપે.