અમદાવાદ, વલસાડ નજીક અમદાવાદ-મુંબઈ નેશનલ હાઈવે પર ત્રિપલ અકસ્માત સર્જાયો હતો. ત્રણ ટ્રકો વચ્ચે સર્જાયેલા અકસ્માતમાં ત્રણ લોકોને ઈજા થઈ હતી. અકસ્માતને કારણે થોડા સમય સુધી હાઇવેના વાહન વ્યવહારને પણ અસર થઈ હતી.
વલસાડ નજીક અમદાવાદ-મુંબઈ નેશનલ હાઈવે પર વલસાડ સુગર ફેક્ટરી નજીક આવેલા ઓવરબ્રિજ પર ડામરનું કામ ચાલી રહ્યું હતું. આથી વાહન વ્યવહારને સર્વિસ રોડ પરથી પસાર કરવામાં આવી રહ્યો હતો. આ વખતે સવસ રોડ પર બે ટ્રકો ઉભી હતી. આ ઉભેલી ટ્રકોની પાછળ ધડાકાભેર એક કન્ટેનર અથડાયું હતું. આથી ત્રણેય ટ્રકો અથડાઈ હતી.
આ અકસ્માતમાં ટ્રકમાં સવાર ૩ને ઈજા થઈ હતી. જેમને તાત્કાલિક સારવાર માટે હોસ્પિટલ ખસેડવામાં આવ્યા હતા. અકસ્માતને કારણે થોડા સમય સુધી હાઇવેના વાહન વ્યવહારને પણ અસર થઈ હતી. પરંતુ પોલીસની ટીમે તાત્કાલિક સ્થળ પર પહોંચી અને અકસ્માતગ્રસ્ત વાહનોને હટાવી અને વાહન વ્યવહાર યથાવત કરાવ્યો હતો.
અકસ્માતને કારણે થોડા સમય સુધી હાઇવેના વાહન વ્યવહારને અસર પણ થઇ હતી. ત્રણ વાહનો વચ્ચે અકસ્માત સર્જાયો હતો. ઉભેલી બે ટ્રકોને કન્ટેનરે ટક્કર મારી હતી.