મુંબઇ, સની દેઓલના પુત્ર કરણ દેઓલ તાજેતરમાં જ લગ્નના બંધનમાં બંધાયા છે. કરણ અને દ્રિષાના લગ્નની તસવીરો સોશિયલ મીડિયા પર ખૂબ વાયરલ થઈ રહી છે. આખો દેઓલ પરિવાર લગ્નમાં સાથે મસ્તી કરતો જોવા મળ્યો હતો.લગ્નમાં હેમા માલિની અને તેમની બે પુત્રીઓ હાજર રહી ન હતી. જે બાદ ધર્મેન્દ્રના પરિવાર સાથે હેમા માલિનીની જૂની વાતો સોશિયલ મીડિયા પર વાયરલ થઈ રહી છે. ઈશા દેઓલે કરણના લગ્નમાં હાજરી આપી ન હતી, પરંતુ તેણે સોશિયલ મીડિયા પર નવદંપતીને શુભેચ્છા પાઠવી હતી. આ પછી, ચાહકો જાણવા માંગે છે કે સની દેઓલ અને ઈશાના સંબંધો કેવા છે.
હેમા માલિનીએ વર્ષ ૨૦૧૭માં પોતાની બાયોગ્રાફી લોન્ચ કરી હતી. જ્યાં તેણે સની દેઓલ સાથેના સંબંધો વિશે જણાવ્યું હતું. સની દેઓલના વખાણ કરતા તેણે કહ્યું હતું કે તે હંમેશા તેના પિતા ધર્મેન્દ્ર સાથે ઉભો છે.
અહેવાલ મુજબ, એશા દેઓલે હેમા માલિનીની બાયોગ્રાફીમાં જણાવ્યું છે કે તે સની અને બોબીને રાખડી બાંધે છે. તે સની દેઓલને પોતાના પિતા માને છે. તેણે કહ્યું હતું કે મારે દુનિયાને કહેવાની જરૂર નથી કે મારા અને તેની વચ્ચેના સંબંધો કેવા છે. હું જાણું છું કે વિશ્ર્વ અમારા સંબંધો વિશે અલગ રીતે વિચારે છે.
ઈશાએ આગળ કહ્યું- દેઓલ પરિવાર તેમના સંબંધોને બતાવવા માંગતો નથી. તેણે કહ્યું- સની ભૈયા ખૂબ જ નવીન છે અને દિલથી પણ ખૂબ સારા છે. હું તેને પિતા સમાન માનું છું. બોબી ભૈયાનું વર્તન પણ સારું છે પણ તે થોડો રિઝર્વ્ડ રહે છે.
જણાવી દઈએ કે એશા દેઓલ વર્ષ ૨૦૧૨માં લગ્નના બંધનમાં બંધાઈ હતી. સની દેઓલ અને બોબી દેઓલે તેમના લગ્નમાં હાજરી આપી ન હતી. તેમજ ઈશાએ ક્યારેય તેના બે ભાઈઓ સાથે ફોટો ક્લિક કર્યો નથી, પરંતુ તેઓ એકબીજાની પોસ્ટ પર કોમેન્ટ કરે છે.