દાહોદ, દાહોદ જીલ્લામાં સિકલસેલ દિવસ નિમિત્તે આરોગ્ય વિભાગ દ્વારા જીલ્લા નવે તાલુકાના પીએચસી ખાતે સિકલસેલના કેમ્પનું આયોજન કરવામાં આવ્યું હતું. જીલ્લા વિકાસ અધિકારી ઉત્સવ ગૌતમ અને ઈન્ચાર્જ આરોગ્ય અધિકારી ડો.ઉદયકુમાર ટિલાવત, જીલ્લા સિકલસેલ નોડલ ઓફિસર ડો. નયન જોશીના માર્ગદર્શન હેઠળ જીલ્લાના તમામ તબીબી અધિકારીઓ દ્વારા સિકલસેલ ક્ધટ્રોલ પ્રોગ્રામ અંતર્ગત વિશ્ર્વ સિકલસેલ દિવસની ઉજવણી કરી હતી.
આ અંતર્ગત રાખેલ કેમ્પમાં જીલ્લામાં કુલ 562 સગર્ભા માતાઓ અને 463 ડીસીઝ દર્દીઓ તેમજ 473 વાહકની મેડિકલ ઓફિસર દ્વારા મેડીકલ ચેકઅપ, લેબ ટેકનીશ્યન દ્વારા લેબોરેટરી તપાસ, ફાર્માશીષ્ટ દ્વારા જરૂરી દવાઓ અને સિકલસેલ કાઉન્સેલર દ્વારા કાઉન્સેલીંગ કરવામાં આવ્યું. આ ઉપરાંત 614 નવા લાભાર્થીઓની DTT તપાસ કરવામાં આવી હતી. જેમાં 62 લાભાર્થીઓ પોઝીટીવ મળતા તેઓના HPLC માટે સેમ્પલ લેવામાં આવ્યા.
મેડિકલ ઓફિસર, પીએચસીના સુપરવાઇઝર ભાઈઓ/બહેનો, સીએચઓ, સ્ટાફ નર્સ, બધસે, લેબ ટેકનીશ્યન, ફાર્માશીષ્ટ, આશા બહેનો, સિકલસેલ કાઉન્સેલર, એડોલેસન્ટ કાઉન્સેલર દ્વારા સેવા ઓ પૂરી પાડવામાં આવી હતી.