મહીસાગરના સંતરામપુરથી ગોધરા તરફ જવાના માર્ગ પર વાંકા નાળા પાસે આજે ગમખ્વાર અકસ્માત સર્જાયો હતો. જેમાં મોટર સાયકલ ચાલકનું ઘટનાસ્થળે જ મૃત્યુ નીપજ્યું છે.ડમ્પરે મોટરસાયકલને અડફેટે લેતા આ ઘટના બની હતી. જેમાં ડમ્પરનો આખું ટાયર જ બાઇક ચાલક પર ફળી વળ્યું હતું. જેથી ઘટનાસ્થળે જ તેનું મોત નીપજ્યું છે.
બીજી તરફ અકસ્માતની ઘટના બનતા આસપાસના સ્થાનિક લોકોના ટોળા ઘટનાસ્થળે દોડી આવ્યા હતા અને પોલીસને જાણ થતાં સંતરામપુર પોલીસ ઘટનાસ્થળે પહોંચી મૃતકના પરિવારની ઓળખની તપાસ હાથ ધરી હતી. તેમજ મૃતદેહને પોસ્ટમોર્ટમ અર્થે ખસેડવાની કામગીરી હાથ ધરી હતી. પ્રાથમિક માહિતી અનુસાર મૃતક યુવાન દાહોદ જિલ્લાના આસપુર ગામનો હોવાનું જાણવા મળ્યું છે અને પોલીસ વધુ તપાસ કરી રહી છે.
