મહીસાગર , રાજ્યભરમાં ક્ધયા કેળવણી અને શાળા પ્રવેશોત્સવ 2023નો પ્રારંભ થયો છે ત્યારે આજે બીજા દિવસે મહીસાગર જીલ્લાના બેડવલ્લી ગામની પ્રાથમિક શાળામાં જીલ્લા પંચાયત પ્રમુખ રમીલાબેન ડામોરે 11 ભૂલકાંઓને આંગણવાડી બાલવાટિકા અને ધોરણ-1માં શાળામાં પ્રવેશ કરાવ્યો હતો. આ પ્રસંગે શાળામાં દાતાઓ દ્વારા ભૂલકાંઓને બેગ, પુસ્તકો અને શૈક્ષણિક કિટ આપીને સ્વાગત કરવામાં આવ્યું હતું અને શાળાના ધોરણ 1 થી 8ના 24 તેજસ્વી તારલાઓને મહાનુભાવોના હસ્તે સન્માનિત કરવામાં આવ્યા હતા.
આ કાર્યક્રમમાં શાળાના બાળકોને સારૂં શિક્ષણ મેળવી માતા પિતા શાળા અને ગામના ગૌરવમાં વધારો કરો તેવી શુભેચ્છાઓ પાઠવવામાં આવી હતી. બાલિકાઓ દ્વારા રજુ કરવામાં આવેલ પ્રાર્થના સ્વાગત ગીત અને વક્તવ્યને સૌએ તાળીઓના ગડગડાટથી વધાવ્યું હતું.
શાળા પરિસરમાં મહાનુભાવોના હસ્તે વૃક્ષારોપણ કરવામાં આવ્યું હતું. બાળકોને શાળા પરિવહન માટેના વાહનને કુમકુમ તિલક સાથે વધાવી ઉપસ્થિત મહાનુભાવોના હસ્તે પ્રસ્થાન કરાવ્યું હતું.
આ પ્રસંગે એપીએમસી ચેરમેન ભૂલાભાઈ, અગ્રણી વિનોદભાઇ, તાલુકા સદસ્ય જેઠાભાઇ, દાતાઓ કાંતિભાઈ પટેલ, કમલેશભાઇ પટેલ સરિતાબેન પટેલ, સુશીલાબેન પટેલ, સીઆરસી ગમીરભાઈ બારિયા, એસ.એમ.સી. અધ્યક્ષ મોહનસિંહ ચૌહાણ અને સભ્યો, આચાર્ય કે. એસ. પટેલ, શિક્ષકો, આંગણવાડીની બહેનો, વાલીઓ, શાળાના બાળકો ઉપસ્થિત રહ્યા હતા.