- હાલમાં સોનું તેના ઊંચા દર કરતા લગભગ ૨૦૦૦ રૂપિયા સસ્તું વેચાઈ રહ્યું છે.
મુંબઇ, હાલમાં લગ્નની સિઝન ચાલી રહી છે અને સોનું એક એવી વસ્તુ છે કે લગ્નોમાં તેની માગ વધી જાય છે. જો તમારા પણ પરિવારમાં લગ્ન થવાના છે તો સોનું ખરીદવાનો અને રાખવાનો આ યોગ્ય સમય છે. દેશના બુલિયન માર્કેટમાં સોનાની કિંમતમાં ધરખમ ઘટાડો થયો છે અને હવે તે રૂ. ૬૦,૦૦૦ની નીચે ટ્રેડ થઈ રહ્યો છે. સોનાના ભાવમાં તાજેતરના મહિનાઓમાં સતત ઘટાડો જોવા મળી રહ્યો છે.
જાણકારી માટે આપને જણાવી દઈએ કે હાલમાં સોનું તેના ઊંચા દર કરતા લગભગ ૨૦૦૦ રૂપિયા સસ્તું વેચાઈ રહ્યું છે. તો આ એક સુવર્ણ તક છે, આ તકને હાથમાંથી જવા ન દો. બજારમાં ૨૨ કેરેટ અને ૨૪ કેરેટ સોનામાં લગભગ ૪૦૦ રૂપિયાનો ઘટાડો નોંધાયો છે. શુક્રવારે ૨૪ કેરેટ સોનું ૬૦,૨૦૦ની આસપાસ ટ્રેડ થઈ રહ્યું હતું. જ્યારે તમને ૫૫,૨૦૦ના દરે ૨૨ કેરેટ સોનું મળશે.
દેશના વિવિધ શહેરોની વાત કરીએ તો દિલ્હીમાં ૨૪ કેરેટ સોનાના ૧૦ ગ્રામની કિંમત ૬૦,૩૭૦ રૂપિયા છે. જ્યારે ૨૨ કેરેટ સોનાના ૧૦ ગ્રામની કિંમત ૫૫,૩૫૦ રૂપિયા છે. કોલકાતામાં તે થોડું સસ્તું છે અને અહીં તમને ૬૦,૨૨૦માં ૧૦ ગ્રામ ૨૪ કેરેટ સોનું મળશે. કોલકાતામાં ૧૦ ગ્રામ ૨૨ કેરેટ સોનું ૫૫,૨૦૦માં વેચાઈ રહ્યું છે. મુંબઈમાં ૨૪ કેરેટ સોનું ૧૦ ગ્રામ ૬૦,૨૨૦માં અને ૧૦ ગ્રામ ૨૨ કેરેટ સોનું ૫૫,૨૦૦માં ઉપલબ્ધ છે. ચેન્નાઈની વાત કરીએ તો અહીં સૌથી સસ્તું સોનું વેચાઈ રહ્યું છે. તમને ચેન્નાઈમાં માત્ર રૂ.૫૨,૨૮૫માં ૧૦ ગ્રામ ૨૪ કેરેટ સોનું મળશે. જ્યારે ૨૨ કેરેટ સોનાના ૧૦ ગ્રામની કિંમત માત્ર ૪૭,૯૨૭ રૂપિયા છે.