અમૃતસર, બોર્ડર સિક્યુરિટી ફોર્સએ પંજાબના તરનતારન સેક્ટરમાં આંતરરાષ્ટ્રીય સરહદેથી પકડાયેલા બે પાકિસ્તાની નાગરિકોને પરત સોંપ્યા છે. પ્રાપ્ત માહિતી અનુસાર,બીએસએફ જવાનોના પેટ્રોલિંગ દરમિયાન બે યુવકો ભારતીય સરહદમાં આવતા જોવા મળ્યા હતા. જવાનોએ તરત જ બંનેને પકડી લીધા હતા. તપાસમાં બંને પાસેથી કોઈ વાંધાજનક વસ્તુ મળી આવી નથી.
બીએસએફ દ્વારા શેર કરવામાં આવેલી માહિતી અનુસાર, ૫ જૂન, ૨૦૨૩ના રોજ ક્સિાન ગાર્ડ્સ પેટ્રોલિંગમાં હતા. બે પાકિસ્તાની નાગરિકો ભારતીય સરહદમાં આવ્યા હતા. આ ઘટના તરન તારણ જિલ્લાના નૌશેરા ધલ્લા ગામ પાસે બની હતી. પકડાયેલા પાકિસ્તાનીઓની ઓળખ ટોબા ટેક સિંહના રહેવાસી ૨૫ વર્ષીય સાબીબ ખાન અને પાકિસ્તાનના લાહોરના શાદરા ગામના ૨૧ વર્ષીય મોહમ્મદ ચાંદ તરીકે થઈ છે. પૂછપરછ પર પકડાયેલા પાકિસ્તાની નાગરિકોએ દાવો કર્યો હતો કે તેઓ અજાણતા ભારતીય ક્ષેત્રમાં પ્રવેશ્યા હતા. તલાશી દરમિયાન તેની અંગત ચીજવસ્તુઓ અને પાકિસ્તાની રૂપિયા ૧૦૦૦ સિવાય અપરાધજનક કંઈ મળ્યું ન હતું.
બીએસએફે પાકિસ્તાન રેન્જર્સનો સંપર્ક કર્યો અને આ ઘટના પર ઔપચારિક વિરોધ નોંધાવ્યો. BSF જવાનોએ અધિકારીઓ સાથે વાતચીત કરી હતી. અધિકારીઓના આદેશ બાદ સાબીબ ખાન અને મોહમ્મદ ચાંદ બંનેને માનવતાના ધોરણે લગભગ ૧ વાગ્યે પાકિસ્તાન રેન્જર્સને સોંપવામાં આવ્યા હતા.