ગોધરા, 5 જૂન આંતરરાષ્ટ્રીય પર્યાવરણ દિવસની ઉજવણી કરવામાં આવે છે. પર્યાવરણના જતન માટે આપણું યોગદાન દ્રઢ કરવામા આવે છે.181 અભયમ મહિલા હેલ્પ લાઇન ટીમ દ્વારા ગોધરા મહિલા પોલીસ સ્ટેશન ખાતે વૃક્ષારોપણ કરવામા આવ્યું હતું. જેમાં 181 અભયમની ટીમ સહિત ગોધરા તાલુકા પોલીસ સ્ટેશન માંથી PSI, મહિલા પોલીસ સ્ટેશન માંથી PI તેમજ પોલીસ સ્ટેશન સ્ટાફ ઉલ્લાસભેર જોડાયો હતો. અભયમ રેસ્ક્યુ લોકેશન અને વાનની સફાઈ કરવામાં આવી હતી. વૃક્ષો દ્રારા પર્યાવરણની જાળવણી થાય છે, જેનાં ઉછેર અને રક્ષણ માટે યથા યોગ્ય યોગદાન આપવા કટિબદ્ધતા જાહેર કરવામાં આવી હતી.