મુંબઇ, મુંબઈના સનસનાટીભર્યા મનસુખ હિરન હત્યા કેસમાં લગભગ બે વર્ષથી જેલમાં રહેલા મહારાષ્ટ્રના નિવૃત્ત પોલીસ અધિકારી પ્રદીપ શર્માને સુપ્રીમ કોર્ટે સોમવારે ત્રણ સપ્તાહ માટે વચગાળાના જામીન આપ્યા છે. ન્યાયમૂર્તિ અનિરુદ્ધ બોઝની આગેવાની હેઠળની વેકેશન બેન્ચે અરજદાર શર્માને તેની બીમાર પત્નીની સંભાળ રાખવા માટે ટ્રાયલ કોર્ટ દ્વારા નિર્ધારિત નિયમો અને શરતોને આધિન જામીન પર મુક્ત કરવાની મંજૂરી આપી હતી. મનસુખ હિરન હત્યા કેસના આરોપીઓમાંના એક શર્મા ૧૭ જૂન, ૨૦૨૧થી કસ્ટડીમાં છે. જેલમાં બંધ અરજદારે ૨૩ જાન્યુઆરી, ૨૦૨૩ના રોજ બોમ્બે હાઈકોર્ટના આદેશને પડકાર્યો હતો, જેમાં તેની જામીન અરજી ફગાવી દેવામાં આવી હતી.
ઉદ્યોગપતિ અંબાણી પરિવારને જાનથી મારી નાખવાની ધમકી આપવાના કથિત ઈરાદા સાથે જિલેટીનથી ભરેલી જીેંફ પ્રતિકાત્મક એન્ટિલિયા બિલ્ડિંગ પાસે ત્યજી દેવાયેલી મળી આવી હતી. થોડા દિવસો પછી, ૫ માર્ચ, ૨૦૨૧ ના ??રોજ, જીેંફ વાહનના માલિક હિરન થાણેની ખાડીમાં મૃત હાલતમાં મળી આવ્યા હતા. નેશનલ ઇન્વેસ્ટિગેશન એજન્સીએ મહારાષ્ટ્ર પોલીસ પાસેથી તપાસ સંભાળ્યા બાદ શર્માની જૂન ૨૦૨૧માં ધરપકડ કરવામાં આવી હતી.
એનઆઈએએ દાવો કર્યો હતો કે શર્માએ અન્ય બરતરફ કરાયેલા પોલીસકર્મી સચિન વાઝે સાથે મળીને કથિત રીતે હિરણની હત્યાનું કાવતરું ઘડ્યું હતું. ઉદ્યોગપતિ મુકેશ અંબાણી અને તેમના પરિવારને ધમકી આપવાના સમગ્ર કાવતરામાં હિરનને ’નબળી કડી’ ગણવામાં આવી હતી. સુપ્રીમ કોર્ટમાં સુનાવણી દરમિયાન, એનઆઈએ તરફથી હાજર રહેલા એડિશનલ સોલિસિટર જનરલ ઐશ્ર્વર્યા ભાટીએ શર્માની અરજીનો વિરોધ કર્યો અને કોર્ટને અરજદારને મેડિકલ રેકોર્ડ રજૂ કરવાનો નિર્દેશ આપવા જણાવ્યું. આ કોર્ટે કહ્યું કે ત્રણ અઠવાડિયા પછી તેના પર ફરીથી વિચાર કરવામાં આવશે.