ગોધરા, ગોધરા શહેરના પટેલવાડા હિપોલીન ગલીના રહેણાંક મકાનમાં બાતમીના આધારે એલ.સી.બી.પોલીસે રેઈડ કરી હતી. રેઈડ દરમિયાન ઈંગ્લીશ દારૂ બીયર ટીન મળી રૂા.1,94,400/-ના મુદ્દામાલ સાથે આરોપી ઈસમને ઝડપી પાડવામાં આવ્યો.
પ્રાપ્ત વિગતો મુજબ ગોધરા શહેરના પટેલવાડા હિપોલીન ગલીમાં રહેતા મીલીન વિજયકુમાર દરજી પોતાના ધરમાં ઈંગ્લીશ દારૂનો જથ્થો મંગાવી સંતાડી રાખેલ છે અને વેચાણ કરવાના છે. તેવી બાતમીના આધારે એલ.સી.બી.પોલીસે રેઈડ કરી હતી. રેઈડ દરમિયાન ધર માંથી રોયલ સ્ટેગ ડીલક્ષ વ્હીસ્કી બોટલ નંગ-36, પ્રિમીયમ વ્હીસ્કી બોટલ નંગ-24, રીર્ઝવ વ્હીસ્કી બોટલ નંગ-48, રીઝર્વ વ્હીસ્કીના કવાટરીયા નંગ-48, ઓરેન્જ ફલેવર વોડકાની બોટલ નંગ-36, ડીલક્ષ કલેકશન વ્હીસ્કી કવાટરીયા નંગ-48, પ્રીમીયમ બીયર ટીન નંગ-431, સ્ટ્રોંંગ બીયર બોટલો નંગ-37, સુપર સ્ટ્રોંગ બીયર ટીન બોટલો નંગ-36 મળી કુલ નંગ-744 કિંમત 1,94,400/-રૂપીયાના મુદ્દામાલ સાથે મીલીન વિજયકુમાર દરજીને ઝડપી પાડી આ બાબતે બી ડીવીઝન પોલીસ મથકે પ્રોહિબીશન એકટ હેઠળ ફરિયાદ નોંધાવા પામી છે.