સુરત, સુરતમાં પાલ વિસ્તારમાં રહેતી પરિણીતાના વતનમાં ગઈ હતી તે વખતે પરિચિત યુવકે કપડાં બદલતા હોવાનો વીડિયો મોબાઇલમાં ઉતારી લીધો હતો. આ વિડીયો વાયરલ કરવાની ધમકી આપી પરિણીતા સાથે છેલ્લા બે વર્ષથી દુષ્કર્મ સાથે સૃષ્ટિ વિરુદ્ધનું કૃત્ય આચરવામાં આવ્યું હતું. આ સાથે સાથે પરિણીતા પાસેથી રૂપિયા પડાવી લાતેના ભાઈને મારી નાખવાની ધમકી પણ આપી હતી. જો કે આ સમગ્ર મામલો સામે આવતા પરિવારે મદદ કરતા પરણિતાએ આ મામલે યુવક વિરુદ્ધ પોલીસ ફરિયાદ નોંધાવતા પોલીસે ગુનો દાખલ કરી આરોપીની ધરપકડ કરી છે.
સુરતમાં આવેલા કામરેજ વિસ્તારમાં રહેતી એક મહિલા થોડા સમય પહેલા પોતાના પરિવાર સાથે રાજકોટ રહેતી હતી. બે વર્ષ પહેલા રાજકોટથી તેઓ સુરત ખાતે શિફ્ટ થયા હતા. રાજકોટમાં તેમના ઘરની સામે રહેતો અને તેના પતિનો મિત્ર કટલરી અને તોરણનું કામ કરતો હતો. કટલરી અને તોરણનું કામ કરતા વ્યક્તિએ આ મહિલાને વોટસએપ ઉપર ફોટો મોકલવાનું શરૂ કર્યું હતું અને આ ફોટો મોકલવાને કારણે બંને એકબીજાના સંપર્કમાં આવ્યા હતા. પતિનો મિત્ર હોવાને ના તે આ મહિલા પણ તે વ્યક્તિ સાથે વાતચીત કરતી હતી. આ દરમિયાનમાં તે સુરતથી રાજકોટ ખાતે ગઈ હતી જ્યાં તે મહિલા કપડાં બદલતી હતી તે સમયે આ વ્યક્તિએ ચોરી છુપી એ મહિલાનો વીડિયો બનાવી લીધો હતો.
રાજકોટમાં રવિ ચાવડાએ આ મહિલાનો વીડિયો બનાવી લીધા બાદ તેને વાયરલ કરવાની તે સતત ધમકી આપતો હતો. અને તેની પાસે અભદ્ર માંગણી પણ કરતો હતો. આ સાથે સાથે તે મહિલાને બ્લેકમેલ કરી રૂપિયા પણ પડાવતો હતો ધીમે ધીમે કરીને રવિએ મહિલા પાસેથી આશરે ૬ લાખ રૂપિયાથી વધુ રકમ પડાવી લીધી હતી. આ ઉપરાંત તેની સાથે તે વારંવાર દુષ્કર્મ પણ ગુજારતો હતો. આરોપી રવિ આટલાથી અટક્યો ન હતો અને તે આ મહિલાને વાત કોઈને પણ જણાવશે તો તેના ભાઈને જાનથી મારી નાખશે તેવી ધમકી પણ આપી હતી.
રવિના ચુંગાલમાં ફસાયેલી આ મહિલાએ પોતાનો વીડિયો વાયરલ ન થાય અને સમાજમાં તેની ઈજ્જત બચી રહે તે માટે તેની આરોપીની અભદ્ર માંગણીઓ પણ સ્વીકારી લીધી. આરોપી રવિએ પહેલા મહિલા પાસેથી ૫.૫૦ લાખ અને બાદ ૫૦ હજાર જેટલી રકમ પડાવી અને મહિલા સાથે વારંવાર દુષ્કર્મ પણ આચર્યું છે. મહિલા વારંવારની માંગણીથી કંટાળી ગઈ અને તેણે સમગ્ર ઘટના પોતાના પતિને જણાવી હતી પતિએ મહિલાને હિંમત આપતા આખરે તે પાલ પોલીસ સ્ટેશન પહોંચી અને તેની પોલીસને ફરિયાદ આપી હતી. પોલીસે સમગ્ર મામલે રવી ચાવડાની ધરપકડ કરી વધુ તપાસ હાથ ધરી છે.