ઝાલોદ, ઝાલોદ નગરની શૈક્ષણિક સંસ્થા બી.એમ.હાઇસ્કૂલના પ્રાંગણમાં તારીખ 28-05-2023 રવિવારના રોજ સંત નિરંકારી મિસન દિલ્હીના ઝોન દાહોદ જીલ્લાનો ઝોન લેવલનો બાલ સંત સમાગમ યોજાયો હતો. આ પ્રોગ્રામમાં વડોદરાના નિરંકારી યુવા સંત મૂકેશ.સી.પરમારનાં સાનિધ્યમાં આયોજીત કરવામાં આવેલ હતો. આ બાલ સંત સમાગમમા સતગુરૂ માતા સુદીક્ષાજી મહારાજની શિક્ષા ઉપસ્થિત લોકો સમક્ષ મુકવામાં આવી હતી.
ઝાલોદ કેળવણી મંડળના પ્રમુખ દિલીપ પટેલ દ્વારા શૈક્ષણિક સંસ્થામાં બાળકો માટે રાખવામાં આવેલ સંત સમાગમને શબ્દો દ્વારા વધાવી લીધો હતો. તેમજ આવેલ સંત મૂકેશ.સી.પરમારનું સ્વાગત દિલીપ પટેલ તેમજ ઉપસ્થિત કેળવણી મંડળના સાથીઓ દ્વારા કરવામાં આવ્યું હતું. તેમજ ઝાલોદ નિરંકારી બ્રાંચના મિંટુ ગીદવાણી દ્વારા દુપટ્ટો પહેરાવી અભિવાદન કરવામાં આવેલ હતું. આ બાલ સંત સમાગમનો લાભ લેવા ખૂબ મોટા પ્રમાણમાં લોકો ઉપસ્થિત રહ્યા હતા. આ બાલ સંત સમાગમ બરોડાના જ્ઞાન પ્રચારક મૂકેશ.સી.પરમારના અધ્યક્ષતા મા ખૂબ સુંદર યોજાયું હતું. પધારેલ સંતની સંત વાણીનો લાભ ઉપસ્થિત સહુ લોકોએ લીધો હતો.
દાહોદ ઝોન દ્વારા વ્યવસ્થાના ભાગ રૂપે પ્રોગ્રામને ખુબ જ શિસ્તબદ્ધ રીતે સુંદર આયોજન કરેલ હતું. તેમજ દૂર દૂરથી સત્સંગનો લાભ લેવા આવેલ સહુ લોકો માટે લંગર પ્રસાદીની પણ વ્યવસ્થા કરવામાં આવી હતી.