મોસ્કો, રશિયા અને યુક્રેન વચ્ચેના યુદ્ધનો ફાયદો ઉઠાવીને પાકિસ્તાન બંને તરફથી ખૂબ જ ડોલરની કમાણી કરી રહ્યું છે. હવે પાકિસ્તાનની આ નાપાક રમતમાં ચીન પણ જોડાઈ ગયું છે. વાસ્તવમાં, પાકિસ્તાને રશિયા સાથે સસ્તા તેલનો સોદો કર્યો છે, પરંતુ બીજી તરફ તે યુક્રેનને મિસાઇલ, તોપના ગોળા અને ટી-૮૦ ટેક્ધની સપ્લાય કરીને પશ્ર્ચિમી દેશો પાસેથી જંગી કમાણી કરી રહ્યું છે. આ ઓઈલ ડીલ રશિયાએ ભારત સાથે કરી છે તેવી જ છે. હવે પાકિસ્તાનની નાપાક રમતમાં જોડાઈને ચીનની કંપની પાકિસ્તાનના માધ્યમથી યુક્રેનને શસ્ત્રો વેચીને કમાણી કરવા જઈ રહી છે.ચીન પહેલા પણ રશિયાને શસ્ત્રોની મદદ કરવાનો આરોપ લગાવી ચૂક્યું છે.
ઈકોનોમિક ટાઈમ્સના રિપોર્ટ અનુસાર, પાકિસ્તાને પોલેન્ડ મારફતે યુક્રેનને હથિયારોની સપ્લાઈ કરી છે. હવે પાકિસ્તાન સરકાર પોલેન્ડમાં એક ડિફેન્સ ટ્રેડિંગ ફર્મ સ્થાપી રહી છે, જે હથિયારોની સપ્લાયને સરળ બનાવશે. આ ડિફેન્સ ફર્મે કથિત રીતે સંરક્ષણ પુરવઠા માટે ચીન સાથે ભાગીદારી કરી છે. આ ભાગીદારી ચીન અને પાકિસ્તાન વચ્ચેની સદાબહાર મિત્રતાને ધ્યાનમાં રાખીને કરવામાં આવી છે.પાકિસ્તાનની ડિફેન્સ ટ્રેડિંગ ફર્મ કેસ્ટ્રેલ ટ્રેડિંગે પોલેન્ડમાં બાલફર્ટર્ન ઈન્વેસ્ટમેન્ટના નામથી એક ફર્મ બનાવી છે. તેનો હેતુ યુક્રેનને આસાનીથી હથિયારો પહોંચાડવાનો છે.
કેસ્ટ્રેલ ટ્રેડિંગે યુક્રેનને ડ્રોન સપ્લાય કરવા માટે ચાઈનીઝ ડિફેન્સ કંપની બેઈજિંગ હેવેઈંગટાઈ સાથે જોડાણ કર્યું હોવાનું કહેવાય છે. આ સપ્લાય પોલેન્ડના ગડીનિયા પોર્ટ પર પહોંચાડવામાં આવશે. તે જ સમયે, પાકિસ્તાનની ઓર્ડનન્સ ફેક્ટરી યુક્રેનને રોકેટ સપ્લાય કરવા માટે એન્ટિગુઆ અને બાર્બુડાના ફ્લેગ શિપનો ઉપયોગ કરી રહી છે.છેલ્લા વર્ષથી પાકિસ્તાન યુક્રેનને સતત હથિયારો સપ્લાય કરી રહ્યું છે. પાકિસ્તાન આ મહિને ૧૫૫ એમએમ આટલરી શેલના ૩ કન્સાઇનમેન્ટ પણ મોકલી રહ્યું છે.
આ બોલને પહેલા પાકિસ્તાનથી પોલેન્ડ લઈ જવામાં આવશે, પછી ત્યાંથી તેને યુક્રેન મોકલવામાં આવશે. તેના બદલામાં યુક્રેન પાકિસ્તાનને એમઆઇ-૧૭ હેલિકોપ્ટર એન્જિન અને અન્ય સાધનો આપશે. પાકિસ્તાને એમઆઇ-૧૭ માટે યુક્રેન સાથે મોટી ડીલ કરી છે. આ રીતે હવે ચીનના ડ્રોન પાકિસ્તાન થઈને યુક્રેન પહોંચશે અને પછી તેનો ઉપયોગ રશિયા વિરુદ્ધ કરવામાં આવશે.