તેલંગાણા સરકાર દ્વારા આયોજિત તેલંગાણા રાઇઝિંગ ગ્લોબલ સમિટમાં ભાર મૂકવામાં આવ્યો હતો કે સરકાર રાજ્યમાં ફિલ્મ ઉદ્યોગના વિકાસ માટે દરેક શક્ય સુવિધા પૂરી પાડવા માટે તૈયાર છે. નિર્માતાઓ સુરેશ બાબુ, અલ્લુ અરવિંદ, અક્કીનેની અમલા અને ફિલ્મ ઉદ્યોગના ઘણા અન્ય સ્ટાર્સ આ કાર્યક્રમમાં હાજર રહ્યા હતા. મેગાસ્ટાર ચિરંજીવી પણ હાજર રહ્યા હતા. તેમણે આ પ્રસંગે વાત કરી.
ચિરંજીવીએ કહ્યું, આટલા મોટા કાર્યક્રમમાં મને આમંત્રણ આપવા બદલ આભાર. આ આમંત્રણ ચિરંજીવી તરફથી નથી; તે ફિલ્મ ઉદ્યોગ તરફથી છે. રેવંત રેડ્ડીએ કહ્યું કે હૈદરાબાદને વૈશ્ર્વિક ફિલ્મ હબ બનાવવું જોઈએ. તેઓ કહેતા આવ્યા છે કે અન્ય ભાષાઓના કલાકારોએ પણ અહીં આવીને શૂટિંગ કરવું જોઈએ. મુખ્યમંત્રી રેવંત રેડ્ડી ફિલ્મ ઉદ્યોગને પોતાનો સંપૂર્ણ ટેકો આપી રહ્યા છે.
ચિરંજીવીએ કાર્યક્રમમાં વધુમાં કહ્યું, અમે ફિલ્મ ઉદ્યોગને વિક્સાવવા માટે ટૂંક સમયમાં વધુ બેઠકો યોજીશું. અમે હૈદરાબાદને સમગ્ર વિશ્ર્વ માટે ફિલ્મ હબ બનાવવાની તૈયારી કરી રહ્યા છીએ. દરેક ક્ષેત્રના નિષ્ણાતો અહીં હાજર છે.
ચિરંજીવીએ એમ પણ કહ્યું કે ઘણા લોકો સ્ટુડિયો બનાવવા માટે આગળ આવ્યા છે. ફિલ્મ ઉદ્યોગના વિકાસથી ય્ડ્ઢઁ પણ વધશે. મુખ્યમંત્રી રેવંત રેડ્ડીએ એમ પણ કહ્યું કે તેમણે યુવાનોને ફિલ્મ ઉદ્યોગ સાથે સંબંધિત કૌશલ્ય શીખવવા માટે એક એકેડેમી ખોલવાનું સૂચન કર્યું છે. રાકેશ ઓમપ્રકાશ મેહરા, રિતેશ દેશમુખ, જેનેલિયા, અર્જુન કપૂર, આસિફ અલી અને ઝોયા અખ્તર જેવા સ્ટાર્સ પણ સમિટમાં હાજર હતા.
જોકે, બોલિવૂડના ભાઈજાન, સલમાન ખાને પણ તેલંગાણામાં ફિલ્મ સ્ટુડિયો બનાવવા માટે પગલાં લીધા છે. તાજેતરમાં, સમાચાર આવ્યા કે સલમાન ખાન વેન્ચર્સ પ્રાઇવેટ લિમિટેડ નામની કંપની બનાવવામાં આવી છે. એક સંકલિત ટાઉનશીપ અને ફિલ્મ સ્ટુડિયોના નિર્માણની પણ જાહેરાત કરવામાં આવી હતી. આ સ્ટુડિયોનો ખર્ચ ૧૦ હજાર કરોડ રૂપિયા થવાનો છે.