ગોધરા,કર્ણાટકમાં ભાજપ સરકારની હાર થવાની ખુશીમાં ગોધરાનાં સરદાર નગર ખંડ ખાતે કોંગ્રેસના અગ્રણી અને કાર્યકરોની ઉપસ્થિતિમાં કર્ણાટકમાં કોંગ્રેસને મળેલી સફળતાની ખુશી વ્યક્ત કરાઈ હતી. કોંગ્રેસ કાર્યકરોએ ફટાકડા ફોડીને મીઠાઇ વહેંચીને ઉજવણી કરી હતી.તાજેતરમાં યોજાયેલી કર્ણાટક રાજ્યની વિધાનસભા સામાન્ય ચૂંટણીમાં ભારતીય રાષ્ટ્રીય કોંગ્રેસ પક્ષે ભારે બહુમતી સાથે વિજય મેળવ્યો છે. પ્રજાનો વિશ્વાસ સંપાદન કરતાં કર્ણાટક રાજ્યમાં આવેલા પરિવર્તન અને ભારે બહુમતી સાથે રાજ્યમાં કોંગ્રેસ સફળતા મેળવતા સમગ્ર પંચમહાલ જિલ્લા કોંગ્રેસમાં આનંદ અને ખુશીની લાગણી વ્યાપી જવા પામેલી છે. ગોધરા ખાતે કોંગ્રેસ પક્ષના આગેવાનો, હોદ્દેદારો, કાર્યકરોએ કર્ણાટકના વિજયને ભારે હર્ષોલ્લાસ સાથે ફટાકડા ફોડીને અને મોં મીઠું કરીને જીતને આવકારી હતી. લોકશાહીના મૂલ્યો માટે કર્ણાટકની જાગૃત પ્રજાએ કરેલ પહેલને આનંદ સાથે ઉજવણી કરી ખુશીની લાગણી વ્યક્ત કરી હતી.