- ત્રિપુરા, મિઝોરમ અને ઉત્તર પૂર્વના કેટલાક રાજ્યોમાં હળવાથી ભારે વરસાદની અપેક્ષા છે.
નવીદિલ્હી,ભારતીય હવામાન વિભાગે ચક્રવાત મોચાને લઈને કહ્યું છે કે આગામી ૬ કલાકમાં ચક્રવાત ઘાતક સ્વરૂપ ધારણ કરી શકે છે. બંગાળની ખાડીમાં તે ગંભીર ચક્રવાતી વાવાઝોડામાં ફેરવાઈ શકે છે. ચક્રવાત ઉત્તર-ઉત્તરપૂર્વ તરફ સતત આગળ વધી રહ્યું છે. ચક્રવાતની આશંકાઓ વચ્ચે નેશનલ ડિઝાસ્ટર મેનેજમેન્ટ ઓથોરિટીએ પશ્ર્ચિમ બંગાળમાં ઘણી ટીમો તૈનાત કરી છે.
આ સિવાય ત્રિપુરા, મિઝોરમ અને ઉત્તર પૂર્વના કેટલાક રાજ્યોમાં હળવાથી ભારે વરસાદની અપેક્ષા છે. ચક્રવાત બાંગ્લાદેશના કોક્સ બજાર અને મ્યાનમારના ક્યાવપ્યુ વચ્ચે દક્ષિણપૂર્વ મ્યાનમાર અને ઉત્તર મ્યાનમારના દરિયાકાંઠાને પાર કરે તેવી શક્યતા છે. આઇએમડી અનુસાર, તે ખૂબ જ તીવ્ર ચક્રવાત વાવાઝોડું છે જે ૧૪ મેની બપોરના સુમારે સિત્તવે નજીક ૧૫૦-૧૬૦ કિમી પ્રતિ કલાકની મહત્તમ પવનની ઝડપ સાથે ૧૭૫ કિમી પ્રતિ કલાકની ઝડપે પહોંચે છે.
ચક્રવાત તોફાનને ધ્યાનમાં રાખીને પશ્ર્ચિમ બંગાળમાં ૮ એડીઆરએફ ટીમો તૈનાત કરવામાં આવી છે. NDRFના ૨જી બટાલિયન કમાન્ડન્ટ ગુરમિન્દર સિંઘે જણાવ્યું હતું કે ચક્રવાત મોચા ૧૨ મેના રોજ તીવ્ર તોફાનમાં અને ૧૪ મેના રોજ ખૂબ જ ગંભીર ચક્રવાતમાં પરિવતત થવાની સંભાવના છે. ૮ ટીમો તૈનાત કરવામાં આવી છે. ૨૦૦ થી વધુ બચાવર્ક્તાઓને ગ્રાઉન્ડ પર મોકલવામાં આવ્યા છે અને ૧૦૦ સ્ટેન્ડબાય પર છે.
હવામાન વિભાગે ઉત્તર પૂર્વના ઘણા રાજ્યોમાં હળવાથી ભારે વરસાદની આગાહી કરી છે. ચક્રવાત મોચાના કારણે આંદામાન અને નિકોબાર ટાપુઓમાં પણ ભારે વરસાદની સંભાવના છે. બંગાળની ખાડીમાં ચક્રવાતની કેન્દ્રિય હિલચાલને કારણે ઉત્તર પૂર્વના રાજ્યોમાં આગામી પાંચ દિવસ સુધી વરસાદની સંભાવના છે. પશ્ર્ચિમ બંગાળ, ઓડિશા, આસામ, મેઘાલય, મિઝોરમ, ત્રિપુરા, ગોવા, તેલંગાણા, કર્ણાટક અને તમિલનાડુમાં હળવાથી મયમ વરસાદ થઈ શકે છે.
હવામાન કચેરીએ માછીમારો, જહાજો, બોટ અને ટ્રોલર્સને રવિવાર સુધી મધ્ય અને ઉત્તરપૂર્વ બંગાળની ખાડી અને ઉત્તર આંદામાન સમુદ્રમાં ન જવાની સલાહ આપી છે. મધ્ય બંગાળની ખાડી અને ઉત્તર આંદામાન સમુદ્રમાં જતા લોકોને દરિયાકિનારે પાછા ફરવાની સલાહ આપવામાં આવી છે. બીજી તરફ દરિયાકાંઠાના વિસ્તારોની વાત કરીએ તો કર્ણાટક, તમિલનાડુ, કરાઈકલ, પુડુચેરીમાં પણ આવતીકાલે એટલે કે શુક્રવારે ભારે વરસાદની આશંકા વ્યક્ત કરવામાં આવી છે. ગુજરાત, પૂર્વ બિહાર, પશ્ર્ચિમ બંગાળ, સિક્કિમ અને પૂર્વોત્તર ભારતના કેટલાક ભાગો વિશે વાત કરીએ તો અહીં તાપમાન ૪-૫ ડિગ્રી સેલ્સિયસની વચ્ચે નોંધાયું છે. કોંકણ અને ઓડિશામાં આઇએમડીના જણાવ્યા અનુસાર, ઊંચા તાપમાનથી લોકોની મુશ્કેલીઓ વધી રહી છે.જ્યારે રાજસ્થાન અને તટીય આંધ્રપ્રદેશ અને યાનમના કેટલાક વિસ્તારોમાં ૧૩-૧૫ મે સુધી હીટવેવની શક્યતા છે. હવામાન વિભાગના જણાવ્યા અનુસાર પશ્ર્ચિમ બંગાળમાં સર્જાયેલ દબાણ ક્ષેત્ર ચક્રવાતી તોફાન બની રહ્યું છે. તે ખૂબ જ ખતરનાક વાવાઝોડામાં ફેરવાઈ જશે. એવું માનવામાં આવે છે કે ચક્રવાત ૧૪ મેની સવારે બાંગ્લાદેશના કોક્સ બજાર અને મ્યાનમારના કુકપ્યુ સાથે ટકરાઈ શકે છે. દરિયાકાંઠે અથડાતી વખતે મોચાની ઝડપ ૧૩૦ કિલોમીટર પ્રતિ કલાકની રહેશે. જો કે પશ્ર્ચિમ બંગાળ પર તેની અસર હજુ સ્પષ્ટ નથી. પરંતુ બંગાળ સરકારે દરિયાકાંઠાના વિસ્તારોમાં તૈયારીઓ શરૂ કરી દીધી છે. સ્થાનિક વહીવટીતંત્રને તાત્કાલિક જરૂરી વ્યવસ્થા કરવા માટે કહેવામાં આવ્યું છે. જે ઓડિશા અને પશ્ર્ચિમ બંગાળના દરિયાકાંઠાના વિસ્તારોમાં સક્રિય બની છે.