કોલ્લમ,કેરળના કોલ્લમમાં તબીબી સારવાર માટે લાવવામાં આવેલા આરોપીએ ડોક્ટરની હત્યા કરી નાખી. કોટ્ટરક્કારા પોલીસ બુધવારે સાંજે આરોપી સંદીપને તેના પગમાં થયેલી ઈજા માટે ડ્રેસિંગ કરાવવા માટે તાલુકાની હોસ્પિટલમાં લઈ ગઈ હતી. એટલા માટે તેણે ટેબલ પર પડેલી કાતર વડે હાઉસ સર્જન ડૉ. વંદના દાસની હત્યા કરી નાખી. તેણે ૬ હુમલા કર્યા, જેના કારણે વંદના ખરાબ રીતે ઘાયલ થઈ ગઈ.
વંદનાને તિરુવનંતપુરમની હોસ્પિટલમાં લઈ જવામાં આવી હતી, પરંતુ તેનો જીવ બચાવી શકાયો નહોતો. બીજી તરફ, કેરળ હાઈકોર્ટ આ ઘટના સામે આવી ત્યારે વિશેષ બેઠક દરમિયાન આ મામલે સુનાવણી કરી રહી છે.
અહેવાલો અનુસાર, આરોપી સંદીપ ઉચ્ચ પ્રાથમિક શિક્ષક હતો, પરંતુ તેને સસ્પેન્ડ કરવામાં આવ્યો હતો. પોલીસ તેને હાથકડી પહેરાવ્યા વિના મેડિકલ તપાસ માટે હોસ્પિટલમાં લાવી હતી. જ્યારે વંદના પગમાં ડ્રેસિંગ કરતી હતી. ત્યારબાદ તેણે નજીકમાં પડેલી કાતર વડે તેની પીઠ અને છાતી પર હુમલો કર્યો હતો. જેના કારણે તેણી ગંભીર રીતે ઘાયલ થઈ હતી. આ સિવાય સંદીપના હુમલામાં ૫ લોકો ઘાયલ થયા હતા.
સંદીપનો તેના પડોશીઓ સાથે ઝઘડો થયો હતો, જેના કારણે પોલીસે તેને કસ્ટડીમાં લીધો હતો. લડાઈ દરમિયાન તેને ઈજા થઈ હતી, તેથી પોલીસ તેને હોસ્પિટલ લઈ ગઈ હતી. આરોપી સંદીપ પુયાપલ્લીનો રહેવાસી છે.
વંદનાના મોત બાદ રાજ્યના તબીબોએ ૨૪ કલાકની હડતાળની જાહેરાત કરી છે. બીજી બાજુ આઇએમએ હડતાળને મોકૂફ રાખવાનો પ્રયાસ કરી રહી છે. આ માટે એકશન કમિટીની બેઠક બપોરે ૧ કલાકે મળશે. આ ઘટના સવારે ૫ વાગ્યે બની હતી અને ડૉક્ટરોએ સવારે ૮ વાગ્યે હડતાળનું એલાન કર્યું હતું.