ગોધરા,
ગોધરા શહેરમાં આજરોજ ભારતીય જનતા પાર્ટી યુવા મોરચા દ્વારા સ્વામી વિવેકાનંદ જન્મજયંતીની ઉજવણી બાઈકરેલીનું આયોજન કરીને કરવામાં આવી હતી.
પંચમહાલ જિલ્લા ભારતીય જનતા પાર્ટી દ્વારા આજરોજ સ્વામિ વિવેકાનંદ જયંતિને લઇને બાઈક રેલીનું આયોજન કરવામાં આવ્યું હતું. જેમાં ભારતીય જનતા યુવા મોરચા ગોધરા નગરના કાર્યકરો જોડાયા હતા. ગોધરા શહેરના પાંજરાપોળ વિસ્તારમાં આવેલા ભાજપ કાર્યાલય ખાતેથી બાઈક રેલીનું પ્રસ્થાન કરાવવામાં આવ્યું હતું, અને ગોધરા શહેરના નહેરૂબાગ ખાતે આ રેલી સંપન્ન કરવામાં આવી હતી. જ્યાં કાર્યકરોએ એકઠા થઈ સ્વામિ વિવેકાનંદની પ્રતિમાને ફૂલહાર અર્પણ કરીને નમન કર્યા હતા. આ બાઈક રેલીમાં સરકારની કોરોના ગાઈડલાઇન્સનું ચુસ્ત પાલન થાય તેનું ખાસ ધ્યાન રાખવામાં આવ્યું હતું.