વોશિંગ્ટન,યુએસ પ્રમુખ જો બિડેને શુક્રવારે ભારતીય-અમેરિકન નીરા ટંડનને સ્થાનિક નીતિના એજન્ડા ઘડવામાં અને અમલમાં મૂકવા માટે તેમની મદદ કરવા માટે તેમના સ્થાનિક નીતિ સલાહકાર તરીકે નિયુક્ત કર્યા છે. બિડેને કહ્યું, મને એ જાહેરાત કરતાં આનંદ થાય છે કે નીરા ટંડન આર્થિક ગતિશીલતા અને વંશીય સમાનતાથી લઈને આરોગ્ય સંભાળ, ઈમિગ્રેશન અને શિક્ષણ સુધીની મારી સ્થાનિક નીતિનું નિર્માણ અને અમલ કરવાનું ચાલુ રાખશે. સુસાન રાઈસનું સ્થાન લેશે, જે સ્થાનિક નીતિ સલાહકાર હતા.
બિડેને કહ્યું, વ્હાઈટ હાઉસના ઈતિહાસમાં ટંડન એશિયન મૂળના પ્રથમ અમેરિકન હશે જેઓ તેની ત્રણ મહત્વની નીતિ પરિષદોમાંથી એકનું નેતૃત્વ કરશે. સ્થાનિક, આર્થિક અને રાષ્ટ્રીય સુરક્ષા ટીમમાં નિર્ણય લેવાની પ્રક્રિયાઓનું નિરીક્ષણ કર્યું. તેમની પાસે જાહેર નીતિમાં ૨૫ વર્ષનો અનુભવ છે, તેમણે ત્રણ પ્રમુખોની સેવા કરી છે અને લગભગ એક દાયકા સુધી દેશની સૌથી મોટી થિંક ટેક્સમાંની એકનું નેતૃત્વ કર્યું છે.
ટંડન હાલમાં રાષ્ટ્રપતિ બિડેનના વરિષ્ઠ સલાહકાર અને સ્ટાફ સેક્રેટરી તરીકે સેવા આપી રહ્યા છે. તેમણે બરાક ઓબામા અને બિલ ક્લિન્ટન બંનેના વહીવટમાં સેવા આપી છે. આ સિવાય તેમણે રાષ્ટ્રપતિ પદના અભિયાનમાં મદદ કરવા ઉપરાંત ઘણી થિંક ટેક્ધ માટે પણ સેવા આપી છે. તે ’સેન્ટર ફોર અમેરિકન પ્રોગ્રેસ’ અને ’સેન્ટર ફોર અમેરિકન પ્રોગ્રેસ એક્શન ફંડ’ના પ્રમુખ અને સીઈઓ (એક્ઝિક્યુટિવ પ્રેસિડેન્ટ) પણ હતા.