અજાણ્યા ફોરવીલ વાહનની ટક્કરે ાીહતફિ ગાડીના ચાલકનું મોત: એકટીવા પર સવાર બે જણાને ઈજાઓ
દાહોદ-ઝાલોદ હાઈવે પર આવેલા ગોવિંદ ગુ તાલુકાના કારઠ ખેડા ગામ રોડ પર પુરપાટ દોડી આવતા એક અજાણ્યા ફોરવીલ વાહને આગળ જતી મોટરસાયકલને પાછળ થી જોશભેર ટક્કર માર્યા બાદ એકટીવા ગાડીને પણ ટક્કર મારી નાસી જતા સર્જાયેલા ગમખ્વાર અકસ્માતમાં મોટરસાયકલના ચાલકને ગંભીર જીવલેણ ઈજાઓ થતાં તેનું સ્થળ પર જ અરેરાટી ભર્યું મોત નીપજયું હતું. જ્યારે એકટીવા પર સવાર બે જણાને પણ શરીરે ઓછી-વત્તી ઈજાઓ થવા પામતાં તે બંનેને સારવાર માટે નજીકની સરકારી હોસ્પિટલમાં ખસેડવામાં આવ્યા હોવાનું જાણવા મળ્યું છે.
પ્રાપ્ત વિગત અનુસાર પરમ દિવસ તારીખ ૦૯-૦૬-૨૦૨૬ના રોજ મોડી સાંજના સાડા સાત વાગ્યાના સુમારે ગોવિંદ ગુ તાલુકાના કાળીગામ ગુર્જર ગામના સાતસેરા ફળિયામાં રહેતા ૩૫ વર્ષીય અરવિંદભાઈ હરસિંગભાઈ ભાભોર પોતાની જીજે-૨૦-એએમ-૭૮૧૨ નંબરની પલ્સર મોટરસાયકલ પર જઈ રહ્યા હતા, તે દરમિયાન કારઠ ખેડા ગામે દાહોદ ઝાલોદ હાઈવે પર પાછળથી પુરપાટ દોડી આવતા અજાણ્યા ફોરવીલ વાહને પાછળથી અરવિંદભાઈ ભાભોરની પલ્સર ગાડીને જોશભેર ટક્કર મારી તથા જીજે-૨૦-એએલ-૮૭૨૫ નંબરની એકટીવા ગાડીને પણ ટક્કર મારી નાસી જતા સર્જાયેલા ગમખ્વાર અસ્માતમાં કાળીગામ ગુર્જર ના મોટરસાયકલ ચાલક અરવિંદભાઈ હરસિંગભાઈ ભાભોરને માથાના ભાગે તેમજ શરીરે ગંભીર જીવલેણ ઈજાઓ થતા તેનું સ્થળ પર જ અરેરાટી ભર્યું મોત નીપજયું હતું. જ્યારે એકટીવા ગાડી પર સવાર બે જણાને શરીરે ઓછી-વત્તી ઈજાઓ થવા પામી હતી. ઘટનાની જાણ થતા જ લીમડી પોલીસ તાત્કાલિક ઘટના સ્થળે દોડી આવી હતી અને બંને ઈજાગ્રસ્તોને સારવાર માટે લીમડી સરકારી દવાખાને ૧૦૮ ઈમરજન્સી વાન મારફતે મોકલી આપ્યા હતા. ત્યારબાદ સ્થળ પર જ મોતને ભેટેલા અરવિંદભાઈ હરસિંગભાઈ ભાભોરની લાશનો કબજો લઈ પંચો બ લાશનું પંચનામું કરી લાશને પોસ્ટ મોર્ટમ માટે લીમડી સરકારી દવાખાને મોકલી આપી હતી. આ સંબંધે મરણજનાર અરવિંદભાઈ હરસિંગભાઈ ભાભોરના મોટાભાઈ કાળીગામ ગુર્જર ગામના માનુભાઈ હરસિંગભાઈ ભાભોરે લીમડી પોલીસ સ્ટેશન માં ફરિયાદ નોંધાવતા, લીમડી પોલીસે આ સંદર્ભે અજાણ્યા ફોરવીલ વાહનના ચાલક વિદ્ધ ફેટલનો ગુનો નોંધી આગળની કાર્યવાહી હાથ ધરી તેની ધરપકડના ચક્રોગતિમાન કર્યા છે.