ગોધરા,
હાલમાં કોરોના મહામારી ના કારણે રાજ્ય સરકાર તેમજ કેન્દ્ર સરકાર દ્વારા કોરોના ને હરાવવા માટે પ્રજાજનોને કોરોનાની ગાઈડ લાઇન અનુસરવા માટે વારંવાર અનેક માધ્યમો થી સજાગ કરવામાં આવે છે. જેમાં સોશિઅલ ડિસ્ટન્સ, માસ્ક અને સેનેટાઇઝરનો ઉપયોગ કરવાની વિનંતી કરવામાં આવે છે.
ત્યારે પ્રજાજનો હજી પણ ગંભીરતા દાખવતા નથી તેમ લાગી રહ્યું છે. જેનો દાખલો ગોધરા શહેર માં જોવા મળ્યો હતો. ગોધરા શહેર માં આવેલી દેનાબેન્કમાં બેન્કના કામકાજ અર્થે આવતા ખાતા ધારકો એ કોરોના ગાઈડ લાઇનની ઐસી તૈસી કરી ને સોશ્યલ ડિસ્ટન્સના ધજાગરા ઉડાવ્યા હતા. ત્યારે બેન્ક સત્તાધીશો પણ લાપરવાહ હોય તેમ કોરોનાની ગાઈડ લાઇનને અનુસરતા નથી.