મુંબઇ,ક્રિસનના ભાઈ કેવિન પરેરાએ બુધવારે ક્રિસનનો એક વીડિયો શેર કર્યો હતો, જેમાં તે જેલની બહાર જોવા મળી હતી. તેને આ રીતે બહાર જોઈને આખો પરિવાર આનંદથી ઉછળી પડ્યો. અભિનેત્રીના ભાઈઓ તેને સમજાવે છે કે નિર્દોષ લોકો સાથે ક્યારેય કંઈ ખરાબ થતું નથી. તમે સંપૂર્ણપણે સુરક્ષિત છો. પોસ્ટ શેર કરતા કેવિને લખ્યું, ’ક્રિસન ફ્રી છે, તે ૪૮ કલાકમાં ભારત પરત ફરી રહી છે.’ક્રિસનના પરિવારનો આરોપ છે કે તેને ફસાવવામાં આવી હતી, જેના પગલે આ તપાસ શરૂ કરવામાં આવી હતી. તપાસ બાદ ખબર પડી કે પોલ નામના માસ્ટરમાઇન્ડે ક્રિસનની માતા પર બદલો લેવા માટે આ કાવતરું ઘડ્યું હતું.
મુંબઈ ક્રાઈમ બ્રાન્ચે ક્રિસનને ડ્રગ સ્મગલિંગ કેસમાં ફસાવવાના આરોપ સાથે બે લોકોની ધરપકડ કરી હતી, જેમણે કથિત રીતે ક્રિસનને ફસાવવાનો પ્રયાસ કર્યો હતો અને તેની ટ્રોફીમાં ડ્રગ્સ રાખ્યું હતું. પહેલો આરોપી એન્થોની પોલ છે, જે બેકરીનો માલિક છે, જ્યારે બીજો આરોપી રાજેશ બોબટે જે બેંકનો આસિસ્ટન્ટ જનરલ મેનેજર છે. પોલીસના જણાવ્યા અનુસાર આ બે વ્યક્તિઓ આ કેસમાં સામેલ હતા.પરિવારના જણાવ્યા અનુસાર એન્થોની પોલ નામના વ્યક્તિએ તેના પાર્ટનર રવિ સાથે મળીને ક્રિસનને આંતરરાષ્ટ્રીય વેબ સિરીઝના ઓડિશન માટે UAE મોકલવાની યોજના બનાવી હતી. એરપોર્ટ પર જતી વખતે તેમને એક ટ્રોફી આપવામાં આવી હતી, જેમાં ડ્રગ્સ હતું. તપાસ દરમિયાન પોલીસનું કહેવું છે કે પોલ પહેલા પણ ઘણા લોકોને આવા કેસમાં ફસાવી ચૂક્યો છે.
મુંબઈ ક્રાઈમ બ્રાન્ચને તપાસમાં જાણવા મળ્યું હતું કે અભિનેત્રીના પડોશીઓએ કૂતરા અંગે નજીવી દલીલને કારણે તેમને ફસાવવા માટે આ કાવતરું ઘડ્યું હતું.ખરેખર, એન્થોનીનો પરિવાર અને અભિનેત્રી ક્રિસન પરેરાનો પરિવાર મુંબઈમાં જ બોરીવલીમાં એક બિલ્ડિંગમાં રહે છે. થોડા દિવસો પહેલા એન્થોનીની બહેને ક્રિસનની માતા સાથે કૂતરાને લઈને ઝઘડો કર્યો હતો. તેની અભિનેત્રીની માતાએ પણ એન્થોની સાથે દલીલ કરી હતી.પ્રેમિલા જણાવે છે કે જે વ્યક્તિએ ક્રિસનને ફસાવી તે મનોરોગી છે, તે નાની નાની બાબતોનો બદલો લેવા માંગે છે.
ક્રાઈમ બ્રાંચના સિનિયર ઈન્સ્પેક્ટર દીપક સાવંતે જણાવ્યું કે એન્થોનીએ ક્રિસન માટે શારજાહની ટિકિટ બુક કરાવી હતી. આ સાથે તેણે ક્રિસનના નામે શારજાહથી પરત ફરવાની નકલી ટિકિટ પણ બનાવી છેતરપિંડી કરી હતી. ક્રિસનને ફસાવવા માટે, એન્થોની તેના મિત્ર રાજેશને પ્રતિભા સલાહકાર તરીકે રજૂ કરે છે. રાજેશે તેને શારજાહમાં ઓડિશન વિશે જણાવ્યું અને તેને ઓડિશન આપવા માટે રાજી કરી.જ્યારે ક્રિસન શારજાહ જવા માટે સંમત થઇ ત્યારે રાજેશે તેને ટ્રોફી આપી કે તે વેબ સિરીઝના ઓડિશનમાં ઉપયોગી થશે. રાજેશના કહેવા પર ક્રિસને ટ્રોફી પોતાની પાસે રાખી, જેમાં ડ્રગ્સ છુપાયેલું હતું. અભિનેત્રી શારજાહ એરપોર્ટ પર પહોંચી કે તરત જ તેને રાજેશ અને પોલની ચાલ વિશે ખબર પડી.