ધોધંબા,ધોધંબા તાલુકાના રીંછીયા ગામે ધોળા દિવસે ખેતરમાં કામ કરતાં યુવક ઉપર ખેતરમાં છુપાઈ રહેલા દિપડાએ હુમલો કરી ઈજાઓ પહોંચાડતા સારવાર માટે ધોધંબા રેફરલમાં ખસેડી વધુ સારવાર માટે રિફર કરવાની તજવીજ હાથ ધરી છે.
ધોધંબા તાલુકાના રીંછીયા ગામે રહેતા રાહુલ રાઠવા પોતાના ખેતરમાં દિવસે કામ કરી રહ્યા હતા. તે દરમિયાન ખેતરમાં છુપાઈ રહેલા દિપડાએ યુવક ઉપર હુમલો કરીને ગંભીર ઈજાઓ પહોંચાડતા યુવકને ધોધંબા રેફરલ હોસ્પિટલમાં ખસેડવામાં આવ્યા છે અને વધુ સારવાર માટે ગોધરા કે હાલોલ ખાતે રિફર કરવાની તજવીજ હાથ ધરી છે. ધોધંબા તાલુકામાં ત્રણ દિવસ પહેલા પણ ધોળા દિવસે ખેતરમાં છુપાઈ રહેલા દિપડાને રાહદારીને ઈજાઓ પહોંચાડી હતી. ત્યારે દિપડાને પાંજરે પુરવામાં આવે તે જરૂરી છે.