ધોધંબા,ધોધંબા તાલુકાના ભગાના મુવાડા ગામે આવેલ ટ્રેકટર પાર્ટસ તથા બેટરીની દુકાનનું શટર તોડી દુકાન માંથી બેટરી નંગ-17 નવી અને જુની બેટરીઓ મળી 95,000/-રૂપીયાના મત્તાની ચોરીની ફરિયાદ નોંધાવા પામી છે.
પ્રાપ્ત વિગતો મુજબ ધોધંબા તાલુકાના ભગાના મુવાડા ગામે આવેલ સ્નેહલકુમાર હર્ષવદનભાઈ પટેલની ટ્રેકટર પાર્ટસ તથા બેટરીની દુકાનને કોઈ અજાણ્યા ચોર ઈસમોએ નિશાન બનાવી હતી અને દુકાનનું શટર મીજાગરા તોડી શટર ઉંચુ કરી દુકાન માંથી નવી બેટરી નંગ-17 કિંંમત 75,000/-રૂપીયા જુની વપરાયેલ બેટરી નંગ-15 કિંમત 20,000/-રૂપીયા મળી 95,000/-રૂપીયાની મત્તાની ચોરી કર્યાની ફરિયાદ રાજગઢ પોલીસ મથકે નોંધાવા પામી છે.