મુંબઈ ધમાલ સિરીઝની ચોથી ફિલ્મ બનાવવાની તૈયારીઓ ઈન્દર કુમારે શરૂ કરી છે. તેમાં અજય દેવગણને લીડ રોલમાં અગાઉ તેઓ ફાઈનલ કરી ચૂક્યા છે. અજય દેવગણની સાથે કોને કાસ્ટ કરવા તે અંગે મૂંઝવણ હતી. જો કે હવે આ સમસ્યા ઉકેલાઈ ગઈ છે. રિપોર્ટ્સ મુજબ, ઈન્દર કુમાર માધુરી દીક્ષિત અને અનિલ કપૂરને સાથે લેવા માગે છે. ધમાલ ૪ની સ્ક્રિપ્ટ અંગે ઈન્દર કુમાર અને અનિલ કપૂરને થોડી વાત થઈ છે અને માધુરીને પણ સ્ક્રિપ્ટ પસંદ આવી છે.
તેજાબ ફિલ્મથી જામેલી માધુરી અને અનિલની જોડીએ સંખ્યાબંધ હિટ ફિલ્મો આપી છે. ધમાલની પહેલી બે ફિલ્મમાં તેઓ ન હતા. ઈન્દર કુમારે ત્રીજી ફિલ્મ ટોટલ થમાલમાં માધુરી અને અનિલને કાસ્ટ કર્યા હતા. ધમાલની ત્રણેય ફિલ્મમાંથી ત્રીજો ભાગ સૌથી વધુ સફળ રહ્યો હતો. માધુરી અને અનિલ કપૂર અગાઉ બેટા ફિલ્મમાં ઈન્દર કુમાર સાથે કામ કરી ચૂક્યા છે. માધુરી દીક્ષિતે ધ ફેમ ગેમ અને મજા માં ફિલ્મો તાજેતરમાં કરી છે. અનિલ કપૂરનો વેબ શો ધ નાઈટ મેનેજર ખૂબ વખણાયો છે. રિતક રોશન સાથે ફાઈટર અને રણબીર સાથે એનિમલમાં પણ અનિલનો મહત્ત્વનો રોલ છે.