મુંબઇ,આથિયા શેટ્ટી અને કેએલ રાહુલ સૌથી પ્રેમાળ સેલેબ્સ કપલ્સમાંથી એક છે. થોડા સમય સુધી ડેટિંગ કર્યા બાદ આ વર્ષે જાન્યુઆરીમાં બંનેએ લગ્ન કર્યા હતા. તેઓએ પરિવાર અને નજીકના મિત્રોની હાજરીમાં ખંડાલામાં સુનીલ શેટ્ટીના ફાર્મહાઉસ પર સાત ફેરા લીધા. લગ્ન બાદ કેએલ રાહુલ તેની ટુર્નામેન્ટ રમવા માટે નીકળી ગયો હતો અને તે હાલમાં આઈપીએલમાં વ્યસ્ત છે. તે જ સમયે ક્રિકેટર લગ્ન પછી પોતાનો પ્રથમ જન્મદિવસ પણ ઉજવી રહ્યો છે. કેએલ રાહુલે તેની પત્ની અથિયા સાથે હોટલના રૂમમાં મધરાતે જન્મદિવસની કેક પણ કાપી હતી.
કેએલ રાહુલના મિત્રએ તેની પત્ની અથિયા સાથે જન્મદિવસની ઉજવણી કરતા ક્રિકેટરની તસવીરો શેર કરી છે. તસવીરોમાં કેએલ પત્ની આથિયા સાથે કેક કાપતા જોઈ શકાય છે. જેમાં કે એલ રાહુલ કેઝ્યુઅલ પટ્ટાવાળી ટી-શર્ટ અને ડેનિમ પહેર્યું હતું, ત્યારે અથિયા પણ તેના પતિ સાથે પટ્ટાવાળા જમ્પસૂટમાં જોવા મળી હતી. આઈપીએલ વચ્ચે ગઈકાલે રાત્રે, કેએલએ પત્ની અથિયા સાથે હોટલના રૂમમાં જન્મદિવસની કેક પણ કાપી હતી.
બીજી તરફ સુનીલ શેટ્ટીએ આથિયા સાથેના લગ્નની એક અનસીન તસવીર શેર કરીને તેના જમાઈ કેએલને જન્મદિવસની શુભેચ્છા પાઠવી છે. આ સાથે સુનીલ શેટ્ટીએ લખ્યું, તમે અમારા જીવનમાં ધન્ય છો… હેપ્પી બર્થ ડે બાબા. આથિયાના ભાઈ અહાન શેટ્ટીએ પણ કેએલ રાહુલ સાથેની એક તસવીર શેર કરતા લખ્યું, હેપ્પી બર્થડે ભાઈ.