લેહ,સોશિયલ મીડિયા પર ફરતા દલાઈ લામાના વિવાદાસ્પદ વિડિયોના વિરોધમાં સોમવારે કેન્દ્રશાસિત પ્રદેશ લદ્દાખના લેહ અને કારગિલ શહેરોમાં બંધ પાળવામાં આવ્યો હતો. આ વિડિયોને લઈને સોશિયલ મીડિયા પર આધ્યાત્મિક નેતાની ટીકા થઈ હતી.
દલાઈ લામાએ કહ્યું હતું કે, ’જો તેમના શબ્દોથી બાળક, તેના પરિવાર અને મિત્રોની લાગણીઓને ઠેસ પહોંચી હોય’ તો તેઓ તેમની માફી માંગે છે. બે-મિનિટ-પાંચ-સેકન્ડના વિડિયોમાં, દલાઈ લામાએ બાળકને શાંતિ અને ખુશી ફેલાવનારા સારા માણસો પાસેથી પ્રેરણા લેવા કહ્યું.
લદ્દાખ બૌદ્ધ એસોસિએશનની આગેવાની હેઠળ વિરોધીઓએ દલાઈ લામાને ટેકો આપ્યો અને તેમને બદનામ કરવાના કાવતરાની નિંદા કરી અને તેમને શાંતિ, પ્રેમ અને સંવાદિતાનો સંદેશ ફેલાવતા રહેવા વિનંતી કરી. એલબીએ અનુસાર, વિવિધ વ્યક્તિત્વો દ્વારા દલાઈ લામાને બદનામ કરતી ટિપ્પણીઓ અને સોશિયલ મીડિયા પર વિડીયો ફરતી કરીને બૌદ્ધોની ધાર્મિક લાગણીઓને ઠેસ પહોંચાડવાનો વિરોધ કરવા તમામ દુકાનો અને વ્યવસાયિક સંસ્થાઓ બંધ રહી હતી અને લેહ અને કારગિલ જિલ્લામાં રસ્તાઓ પરથી વાહનો બંધ રહ્યા હતા.
જેના વિરોધમાં લેહ અને કારગીલમાં મોટા પ્રમાણમાં લોકોએ રેલીઓ કાઢી હતી. દલાઈ લામાને બદનામ કરવાના વિરોધમાં કાઢવામાં આવેલી રેલીમાં લોકોએ આધ્યાત્મિક નેતાઓના ચિત્રો સાથેના પ્લૅકાર્ડ, ધાર્મિક ધ્વજ લઈ લીધા હતા. સામાજિક નેતા સનફેલે પત્રકારોને જણાવ્યું હતું કે, “લદ્દાખના લેહ અને કારગિલ જિલ્લામાં બંધનું આયોજન કરવામાં આવ્યું હતું. દલાઈ લામાને બદનામ કરવાના પ્રયાસના વિરોધમાં લોકો રસ્તા પર ઉતરી આવ્યા હતા. આનાથી અમને દુ:ખ થયું છે.