ધોધંબા,ઘોઘંબા તાલુકાના દેવલીકુવા ગામે જવાના માર્ગ ઉપર અજાણ્યા વાહનની ટક્કરે 52(બાવન)વર્ષીય પુરૂષને અડફેટે લઈ અકસ્માત સર્જી શરીરે ગંભીર ઇજાઓ પહોંચાડી મોત નીપજાવી નાસી ગયો હતો. ત્યારે આ મામલે દામાવાવ પોલીસે ગુન્હો નોંધી વધુ આગળની કાર્યવાહી હાથ ધરી હતી.
ઘોઘંબા તાલુકાના સીમલીયા ગામે પીપળીયા ફળિયામાં રહેતા ચીમનભાઈ કાંતિભાઈ બારીઆ એ દામાવાવ પોલીસ મથકે ફરિયાદ નોંધાવતા જણાવ્યું હતું કે, તા.16 એપ્રિલ નાં રોજ રાત્રીના સમયે તેઓના સ્વજન પ્રભાતભાઈ કાંતિભાઈ બારીઆ પોતાની મોટરસાયકલ લઈ દેવલીકુવા ગામે રોડ ઉપરથી પસાર થઈ રહ્યા હતા. ત્યારે એક અજાણ્યા વાહન ચાલકે પોતાનું વાહન બેફિકરાઈ અને ગફલતભરી રીતે હંકારી લાવી પ્રભતભાઈ બારીઆની મોટર સાયકલને અડફેટે લેતા ટક્કર મારી અક્સ્માત સર્જ્યો હતો. જે અકસ્માતમાં તેઓને શરીરે ગંભીર ઇજાઓ પહોંચતા મોત નિપજવા પામ્યું હતું. અજાણ્યો વાહન ચાલક અકસ્માત સર્જી પોતાનું વાહન લઈ નાસી ગયો હતો. ત્યારે આ મામલે અજાણ્યા વાહન ચાલક સામે પોલીસે ગુન્હો નોધી વધુ આગળની કાર્યવાહી હાથ ધરી હતી.