રાજકોટ,મુસાફરી કરતી વખતે નશો કરતાં લોકોને ખાસ ચેતવતી ઘટના સામે આવી છે. ચાલુ વાહન કે ટ્રેન-બસમાં નશો કરવો કેટલો ભારે પડી શકે છે, તેનો અંદાજ આ ઘટના પરથી લગાવી શકાય છે. દારૂના નશામાં યુવક ટ્રેનમાંથી પટકાયો હતો. યુવક ટ્રેનના દરવાજે સૂઇ ગયો હતો, જ્યારે નશાની હાલતમાં ઉભો થતાં ટ્રેનમાંથી નીચે પટકાયો હતો. યુવકનો આ વીડિયો સોશિયલ મીડિયામાં વાયરલ થયો છે.આ વીડિયોની પુષ્ટિ કરાઇ નથી.
દારૂના નશામાં યુવક ટ્રેનમાંથી નીચે પટકાયો હતો. રાજકોટ-ઓખા ટ્રેનમાં યુવક દરવાજે સૂઈ ગયો હતો. નશાની હાલતમાં ઉભો થતાં યુવક ટ્રેનમાંથી પટકાયો હતો. યુવકનો વીડિયો સોશિયલ મીડિયામાં વાયરલ થઇ રહ્યો છે. હચમચાવી દેતી ઘટનાનો વીડિયો વાયરલ થતા સવાલ એ થાય કે લોકોએ યુવકનો જીવ કેમ ન બચાવ્યો? લોકો વીડિયો બનાવવામાં વ્યસ્ત હતા, પરંતુ કોઈએ યુવકનો જીવ ન બચાવ્યો. નશાની હાલતમાં યુવક ટ્રેનમાંથી નીચે પડી ગયો હતો. હાલ વીડિયો વાયરલ થતા પોલીસે તપાસ હાથ ધરી છે. આ વીડિયો ક્યારનો અને ક્યાંનો છે તેને લઈને પોલીસની તપાસ શરૂ કરી છે.
નોંધનીય છે કે, સોશિયલ મીડિયાના યુગમાં લોકો પોતાના કેમેરામાં ઘટનાને કેદ કરવા પાછળ ઘેલા બનતાં હોય છે. આવા કેપ્ચર કરેલા વીડિયો કે તસવીરો સોશિયલ મીડિયામાં પોસ્ટ કરવા માટે આતૂર રહેતા હોય છે, પરંતુ તેની જગ્યાએ મદદ માટે હાથ લંબાવવામાં આવે તો કોઇ મોટી દુર્ઘટના પણ થતી ટળી શકે છે. આ ઘટનાના વાયરલ થયેલા વીડિયો બાદ એ જ સવાલ થઇ રહ્યો છે કે, લોકોએ યુવકનો જીવ કેમ ન બચાવ્યો?