મહીસાગર,મુખ્યમંત્રીના જનસંપર્ક હેઠળ ઓનલાઇન ફરીયાદ નિવારણ કાર્યક્રમ સ્વાગતની એપ્રિલ-2023માં 20 વર્ષ પૂર્ણ થનાર છે. જે નિમિત્તે એપ્રિલ માસના ચોથા સપ્તાહને સ્વાગત સપ્તાહ તરીકે ઉજવવાનું નિયત કરવામાં આવ્યું છે. આ કાર્યક્રમ અંતર્ગત મહીસાગર જિલ્લામાં તા. 11/04/2023 થી તા.29/04/2023 સુધી સ્વાગત સપ્તાહનો ઉજવણી કાર્યક્રમ તેમજ ગ્રામ સ્વાગત કાર્યક્રમનું આયોજન કરવામાં આવ્યું છે.
આ સ્વાગત સપ્તાહના ઉજવણી કાર્યક્રમમાં જિલ્લા પંચાયતની સિટી વાઇઝ વર્ગ-2ના અધિકારીઓની ગ્રામ સ્વાગતના પ્રશ્ર્નો સ્વીકારવા માટે નિમણૂક કરવામાં આવી છે. જેથી મહીસાગર જિલ્લાના તમામ ગામોના અરજદારઓ ગ્રામ સ્વાગત કાર્યક્રમમાં વ્યક્તિગત પ્રશ્ર્નની રજૂઆત કરી શકશે. આવા પ્રશ્ર્નો માટેની અરજી તા.24/04/2023 થી તા.26/04/2023 સુધીમાં યોજાનાર તાલુકા સ્વાગત કાર્યક્રમમાં નિમણૂંક કરેલ વર્ગ-2 ના અધિકારી દ્વારા સ્વીકારવામાં આવશે.