નવીદિલ્હી,શાહરૂખ ખાનની પઠાણે વિદેશમાં ધૂમ મચાવી છે. જોકે હવે વિદેશમાં ફિલ્મની બોક્સ ઓફિસની સફર પૂરી થઈ ગઈ છે. પરંતુ આ ફિલ્મે ઈન્ટરનેશનલ માર્કેટમાં લગભગ ૩૯૬ કરોડ રૂપિયાનો બિઝનેસ કર્યો છે. પિંકવિલાના લેટેસ્ટ રિપોર્ટમાં આ જાણકારી આપવામાં આવી છે. જોકે આ ફિલ્મ હજુ સુધી જાપાન અને ચીનમાં રિલીઝ થઈ નથી. પરંતુ જો શાહરૂખ ખાનની ફિલ્મને પણ આ સર્કિટ મળે છે તો ફિલ્મ કમાણીના મોરચે પણ નવો રેકોર્ડ બનાવી શકે છે. પરંતુ અત્યાર સુધી પઠાણે વિશ્ર્વભરમાં એક હજાર કરોડ રૂપિયાથી વધુની કમાણી કરી છે. જોકે દંગલ વિદેશી બોક્સ ઓફિસ પર ૨૫૬ કરોડ રૂપિયાની કમાણી કરવામાં સફળ રહી હતી. આ રીતે પઠાણે આમિર ખાનનો રેકોર્ડ તોડી નાખ્યો છે.
પઠાણ સ્ટાર જ્હોન અબ્રાહમે આ વસ્તુ માટે આપ્યું બલિદાન, લેડી લવ નહીં, ૨૭ વર્ષથી આ ફેવરિટ વસ્તુને હાથ પણ નથી લગાવ્યો આ ફેવરિટ વસ્તુ પણ નહીં શાહરૂખ ખાનના પઠાણનું બજેટ લગભગ ૨૫૦ કરોડ રૂપિયા હોવાનું કહેવાય છે. આ રીતે ફિલ્મે તેના બજેટ કરતા અનેકગણી કમાણી કરી છે. આ ફિલ્મ સાથે, શાહરૂખ ખાન ચાર વર્ષ પછી થિયેટરોમાં પાછો ફર્યો. આ ફિલ્મ ૨૫ જાન્યુઆરીએ રિલીઝ થઈ હતી.
શાહરૂખ ખાનની પઠાણ ઓટીટી પ્લેટફોર્મ એમેઝોન પ્રાઇમ વીડિયો પર રિલીઝ કરવામાં આવી છે. શાહરૂખ ખાનની ફિલ્મને આ ઓટીટી પ્લેટફોર્મ પર પણ જોરદાર પ્રતિસાદ મળ્યો છે. શાહરૂખ ખાનની પઠાણ ૨ વિશે ઘણી અપેક્ષાઓ હતી. પરંતુ તે પહેલા ટાઈગર જ પઠાણની જાહેરાત થઈ ગઈ છે. આ રીતે ચાહકોને ટાઈગર અને પઠાણ બંનેની જુગલબંધી એક્સાથે જોવા મળશે.