હાલોલ,હાલોલના નીલકંઠ રેસીડન્સી અને મધાસર ગામે મળી બે ફોર વ્હીલ વાહનોની ચોરી કોઈ અજાણ્ય ચોર ઈસમો કરી જતાં હાલોલ પોલીસ મથકે ફરિયાદ નોંધાવા પામી છે.
પ્રાપ્ત વિગતો મુજબ હાલોલ નીલકંઠ રેસીડન્સીમાં રહેતા ઓમપ્રકાશ બાબુરામ ચૌધરીએ પોતાના ધર આગળ પાર્ક કરેલ હુન્ડાઈ કંપનીની ફોર વ્હીલ નં. જીજે.17.બીએ.6009ને કિંમત 2,25,000/-રૂપીયા કોઈ ચોર ઈસમો દ્વારા ચોરી કરેલ હોય તેમજ હાલોલના મધાસર ગામે રહેતા સંતોષકુમાર ભરતસિંગ રાજપૂત એ પોતાના ધર આગળ પાર્ક કરેલ ફિગ્ગો ફોર્ડ કંપની ફોર વ્હીલ નંબર જીજે.17.એન.6658 કિંમત 2,50,000/-રૂપીયા કોઈ અજાણ્યો ચોર ઈસમ ચોરી કરી જતાં આ બન્ને ફોર વ્હીલની ચોરી બાબતે હાલોલ રૂરલ પોલીસ મથકે ફરિયાદ નોંધાવા પામી છે.