ધોધંબા,ધોધંબા તાલુકાના રવેરી જતા રોડ ઉપર અજાણ્યા વાહન ચાલકે પોતાનું વાહન પુરઝડપે હંકારી લાવી બાઈકને ટકકર મારી બાઈક ચાલકને ઈજાઓ પહોંચાડી મોત નિપજાવ્યું. આ બાબતે રાજગઢ પોલીસ મથકે ફરિયાદ નોંધાઈ.
પ્રાપ્ત વિગતો મુજબ ધોધંરા તાલુકાના રવેરી જતા સ્મશાન પાસે રોડ ઉપર થી પસાર થતાં અજાણ્યા વાહન ચાલકે પોતાનું વાહન પુરઝડપે હંકારી લાવી બાઈક નં.જીજે.17.વીપી.8025ને અડફેટમાં લઈ ચાલક મહેન્દ્રસિંહ તખતસિંહ પરમાર ઉ.વ.22ને ગંભીર ઈજાઓ પહોંચાડી ધટના સ્થળે મોત નિપજાવ્યું હતું અને અજાણ્યા વાહન ચાલક નાશી જઈ ગુન્હો કર્યાની ફરિયાદ રાજગઢ પોલીસ મથકે નોંધાવા પામી છે.