કાલોલ,
કાલોલ તાલુકાના ગોકળપુરા નિશાળ ફળીયામાં આરોપી રહેણાંક મકાનની પાછળ વિદેશી દારૂનો જથ્થો લાવી કટીંગ કરતા હોય તે સ્થળે સ્ટેટ મોનિટરીંગ સેલની ટીમે રેઈડ કરી હતી. વિદેશી દારૂની બોટલો નંગ-118 કિંમત 12,650/-રૂપીયા સહિતના 76,050/-ના મુદ્દામાલ સાથે એક ઈસમને ઝડપી પાડવામાંં આવ્યો.
પ્રાપ્ત વિગતો મુજબ કાલોલ તાલુકાના ગોકળપુરા ગામે રહેતા અજય અર્જુનસિંહ સોલંકી (રહે. વાવડી ગામ તા.ગોધરા) સુરેશ રયજીભાઈ રાઠોડ (ગોકળપુરા તા. કાલોલ) સંજય ઉર્ફે કોલી નટુભાઈ રાઠોડ (ગોકળપુરા) પોતાના ધરની પાછળ કોઈ વાહનમાં વિદેશી દારૂ લાવીને વેચાણ માટે આપતો હોય તેવી બાતમીના આધારે સ્ટેટ મોનીટરીંગ સેલ રેઈડ કરી હતી. રેઈડ દરમિયાન વિદેશી દારૂની નાની મોટી બોટલો નંગ-119 કિંંમત 12,650/-રૂપીયા, મોબાઈલ ફોન-3 દારૂના વેચાણના રૂપીયા અને વાહન મળી કુલ 76,050/-રૂપીયાના અજય અર્જુનસિંહ સોલંકીને ઝડપી પાડવામાં આવ્યો. જ્યારે બે આરોપીઓ નાશી છુટતાં વોન્ટેડ જાહેર કરાયા. આ બાબતે કાલોલ પોલીસ મથકે પ્રોહિબીશન એકટ હેઠળ ગુન્હો નોંધાવા પામ્યો.