લીમખેડા,
ભારતીય સુરક્ષા કાર્ય દક્ષતા નવી દિલ્હી અને સિક્યુરિટી સર્વિસ ઇન્ડિયા લિમિટેડ દ્વારા દાહોદ જિલ્લામાં સિક્યુરિટી ગાર્ડ તેમજ સિક્યુરિટી અધિકારીની ભરતીનું આયોજન કરવામાં આવ્યું છે. આવતીકાલે તારીખ 17 માર્ચના રોજ તાલુકા શાળા, લીમખેડા ખાતે ભરતી યોજાશે. સવારે 10 થી 4 દરમિયાન આ ભરતી યોજાશે.
ભરતીમાં ભાગ લેવા માંગતા ઉમેદવારો 21 થી 36 વર્ષની ઉંમર, શૈક્ષણિક લાયકાતમાં સુપરવાઇઝર માટે ધોરણ 12 પાસ, સુરક્ષા જવાન માટે ધોરણ 10 પાસ, સુરક્ષા અધિકારી માટે ગ્રેજ્યુએટની લાયકાત, ઉંચાઇ 168 સેમી, વજન 56 કિલો, છાતી 80 થી 85 અને શારીરિક તંદુરસ્તી હોવી જરૂરી છે. ઉક્ત જગ્યાઓ માટે પગાર ઉપરાંત પગાર વધારો, પ્રમોશન, પી.એફ.ઇ.એસ.આઇ., ગ્રેજ્યુએટી, મેડીકલ સુવિધા, બોનસ સુવિધા આપવામાં આવશે.