ઝાલોદ,
ઝાલોદ તાલુકાના મીરાખેડી ગામને હાંડી ફારા હાઈવે રોડ પર પુરપાટ દોડતી એસ.ટી.બસના ચાલકે બાઈકને અડફેટે લેતા રોડ પર પટકાયેલા બાઈક ચાલકનુ ધટના સ્થળે મોત નીપજયું હતુ.
મીરાખેડી ગામને હાંડી ફારા હાઈવે રોડ પર એસ.ટી.બસનો ચાલક એસ.ટી. બસ પુરઝડપે અને ગફલતભરી રીતે હંકારી લઈ જઈ સામેથી આવતી મોટરસાયકલને જોશભેર ટકકર મારી એસ.ટી.બસ લઈ નાસી જતા મોટરસાયકલ ચાલક ફતેપુરા ગામના ઉખરેલી રોડ પર રહેતા વિનોદભાઈ લલ્લુભાઈ ડબગરને માથામાં તથા શરીરે ગંભીર જીવલેણ ઈજાઓ થતાં તેનુ સ્થળ પર જ મોત નીપજયું હતુ. આ સંબંધે ફતેપુરાના મરણ જનાર વિનોદભાઈ ડબગરના પુત્ર ગિરીશભાઈ વિનોદભાઈ ડબગરે લીમડી પોલીસ સ્ટેશને ફરિયાદ નોંધાવતા પોલીસે આ સંદર્ભે એસ.ટી.બસના ચાલક વિરુદ્ધ ફેટલનો ગુનો નોંધી આગળની કાર્યવાહી હાથ ધરી છે.